ស្នេហារវាងអ្នកមេម៉ាយ សុខ សោម៉ាវត្តី និង លី វ៉ាហេទ ឈានដល់កម្រិតណាហើយ? អ្នកមេម៉ាយចាយរាង សុខ សោម៉ាវត្តី បានសម្រេចចិត្តជ្រើសស្នេហ៍តារាបាល់ទាត់លោកលី វ៉ាហេទ ខ្សែការពារក្លឹបបឹងកេត ជាដៃគូជីវិតថ្មី ក្រោយបែកបាក់ស្នេហ៍ជាមួយលោកមន្ត្រីប៉ូលីស។ ក្រោយសាងស្នេហ៍ផ្អែមល្ហែមពេលនេះពួកគេដល់ថ្នាក់ពោលពាក្យខ្វះគ្នាលែងបានហើយ។
បើទោះបីជាមិនដែលនិយាយដោយផ្ទាល់រឿងស្នេហាដោយបើកចំហរក្តីក៏ ជាញឹកញាប់ សុខ សោម៉ាវត្តី និង លី វ៉ាហេទ បានបង្ហាញភាពផ្អែមល្ហែមខ្លាំងទាំងការបណ្តើរគ្នា និងបង្ហាញភាពស្និទ្ធស្នាលលើសពីមិត្តភ័ក្ក័បង្អូតគេឯងតាមបណ្តាញសង្គមហ្វេសប៊ុក។ ក្រៅពីបង្ហោះរូបភាពកៀកកោយនៅលើបណ្ដាញសង្គមជាបន្តបន្ទាប់ មុននេះបន្តិចលោក លី វ៉ាហេទ បានបង្ហោះសារបញ្ជាក់ពីអារម្មណ៍ស្នេហ៍របស់ខ្លួនចំពោះអ្នកនាង សុខ សោម៉ាវត្តី ដែលធ្វើឲ្យអ្នកដែលនិយមលេងហ្វេប៊ុកជាច្រើនមានការភ្ញាក់ផ្អើល។
លោក វ៉ាហេទ បានបង្ហោះរូបភាពផ្អែមល្ហែមជាមួយវត្តី រួមទាំងសំណេរថា មិនមែនជាអ្វីនឹងគ្នា តែជាមនុស្សម្នាក់ដែល មិនអាចខ្វះបាន ដែលមានអត្ថន័យជ្រាលជ្រៅ ធ្វើឲ្យអ្នកគាំទ្រពួកគេរំភើបចិត្តនិងគាំទ្រចំពោះសេចក្ដីស្នេហារបស់អ្នកទាំងពីរ។
ទទឹមគ្នានេះដែរ សុខ សោម៉ាវត្តី បានបង្ហោះសារស្នេហាបើកចំហនៅលើទំព័រហ្វេសប៊ុករបស់ខ្លួន ដោយបានភ្ជាប់រូបភាពកៀកកោយជាមួយបុរសកំពូលស្នេហ៍លោក លី វ៉ាហេទ ។ អ្នកនាងបង្ហោះសំណេរ ថា គាត់ (លី វ៉ាហេទ) តែងតែអនុញ្ញាតឲ្យខ្ញុំធ្វើរឿងគ្រប់យ៉ាងដែលខ្ញុំចង់ធ្វើ លើកលែងតែរឿងមួយគត់ដែលគាត់មិនព្រមឲ្យខ្ញុំធ្វើ គឺមិនឲ្យខ្ញុំយំជាដាច់ខាត។ អ្នកនាងក៏បានបញ្ជាក់បន្ថែមដែរថា បើទោះបីស្ថិតនៅឆ្ងាយពីគ្នាយ៉ាងណាក៏លោក លី វ៉ាហេទ តែងតែបង្ហាញពីក្ដីបារម្ភនិងការយកចិត្តទុកដាក់ចំពោះអ្នកនាងពីចំងាយដោយមិនឲ្យអ្នកនាងខ្វះភាពកក់ក្ដៅនោះឡើយ។
គេដឹងដែរថា គូស្នេហ៍មួយគូនេះបានដឹងលឺដោយចាស់ទុំទាំងសងខាងរួចអស់ហើយ ហើយក៏មិនជំទាស់ដែរប្រសិនបើពួកគេរៀបការនឹងគ្នានោះ។
គួរបញ្ជាក់ដែរថា សុខ សោម៉ាវត្តីធ្លាប់បានរៀបមង្គលការជាមួយលោកទូច ដាណារ៉ា ហៅ ពេជ្រ កូនប្រុសរបស់លោក ទូច ណារ៉ុថ អតីតស្នងការរាជធានីភ្នំពេញ ទទួលបានចំណងដៃកូនស្រីម្នាក់។ ក្រោយបែកស្នេហ៍ចាស់ភ្លាម និងបានបង្ហាញភាពស្និទ្ធស្នាលជាមួយលោក លី វ៉ាហេទ ពិសេសក្រោយពេលពួកគេបានសម្តែងរួមគ្នាក្នុងភាពយន្តមួយកាលពីឆ្នាំមុន។ មហាជនក៏កោតសរសើរស្នេហាពួកគេជាស្នេហាផ្អែមល្ហែម និងមិនបានគិតពីអតីតកាលរបស់គ្នាទៅវិញទៅមក។
