កំពង់ធំៈ ឪពុកឈាមខ្មៅម្នាក់ បានចាប់កូនស្រីខ្លួនឯងបង្កើត បោកគ្រវែងបោះពីលើផ្ទះទម្លាក់មកដី បណ្ដាលឲ្យរបួសធ្ងន់។
ហេតុការណ៍ដ៏ឃោឃៅនេះ បានកើតឡើងកាលពីថ្ងៃទី២៨ ខែកុម្ភៈ ឆ្នាំ២០១៨ នៅភូមិក្រសាំង ឃុំសណ្តាន់ ស្រុកសណ្តាន់ ខេត្តកំពង់ធំ។
សមត្ថកិច្ច បានឲ្យដឹងថា ឪពុកឈាមខ្មៅរូបនេះ ឈ្មោះ សុខម៉ៅ អាយុ២២ឆ្នាំ នៅភូមិឃុំកើតហេតុខាងលើ។ ចំណែកកូនស្រីរងគ្រោះឈ្មោះ ណាំ ម៉ាលី អាយុ៦ខែ មានម្តាយឈ្មោះ សា ផល្លី អាយុ២០ឆ្នាំ។
សមត្ថកិច្ច បានបន្តថា មូលហេតុដែលធ្វើឲ្យឪពុកឈាមខ្មៅរូបនេះចាប់បោះកូនពីលើផ្ទះមក ព្រោះខឹងកូនយំមិនឈប់ ធ្វើគាត់ដេកមិនបាន បណ្ដាលឲ្យរងរបួសធ្ងន់ ត្រូវបានយកទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ធំ។
ក្រោយប្រព្រឹត្តជនបង្កបានរត់គេចខ្លួន តែត្រូវបានសមត្ថកិច្ចតាមចាប់ឃាត់ខ្លួនបាន និងកំពុងកសាងសំណុំរឿងចាត់ការបញ្ជូនទៅតុលាការ៕
