ភ្នំពេញៈ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអរគុណ មន្រ្តីរាជការទាំងអស់ ដែលបានបម្រើប្រជាពលរដ្ឋ ឲ្យទទួលបាននូវសេវាសាធារណៈ បានឆាប់រហ័ស និងមានតម្លាភាព ប្រសិទ្ធភាពខ្ពស់។
សម្ដេចតេជោ ហ៊ុន សែន បានថ្លែងក្នុងពិធី ជួបសំណេះសំណាលជាមួយ លោកគ្រូ-អ្នកគ្រូរាជធានីភ្នំពេញ នៅថ្ងៃទី២៥ ខែមីនា ឆ្នាំ២០១៨ ថា “អរគុណលោកគ្រូ និងអ្នកគ្រូទាំងអស់ ដែលបានខិតខំអប់រំបណ្តុះបណ្តាល បង្រៀនក្មួយៗ និងចៅៗសិស្សា នុសិស្សទាំងអស់ ឲ្យទទួលបាននូវចំណេះដឹងខ្ពង់ខ្ពស់ ។ អរគុណមន្រ្តីរាជការទាំងអស់ ដែលបានបម្រើ ប្រជាពលរដ្ឋ ឲ្យទទួលបាននូវសេវាសាធារណៈ បានឆាប់រហ័ស មានតម្លារភាព និងមានប្រសិទ្ធភាពខ្ពស់ ”។
សម្ដេចប្តេជ្ញា មិនធ្វើឲ្យពលរដ្ឋខកចិត្តទេ នូវអ្វីដែលសម្ដេច សុំពីពលរដ្ឋ និងលោកគ្រូ-អ្នកគ្រូ និងមន្រ្តីរាជការគឺ “អំពើល្អ!”៕
