Sponsor
រិទ្ធី

បើតាម​ព្រះរាជក្រឹត្យ ដែល​ធ្វើឡើង​នៅ​ថ្ងៃទី​២៦ ខែមីនា ឆ្នាំ​២0១៨ ​នេះ ​ចុះហត្ថលេខា ដោយសម្តេច សាយ ឈុំ បានសម្រេចតែងតាំង លោក អ៊ូច ភា ជា​អភិបាល​ខេត្តតាកែវ ជំនួស​លោក ឡាយ វណ្ណៈ​។ លោក ឡាយ វណ្ណៈ អភិបាល​ខេត្តតាកែវ ត្រូវបាន​ផ្ទេរ​ឲ្យ​មក​បម្រើការ​នៅ​ក្រសួងមហាផ្ទៃ​វិញ​។ សូមបញ្ជាក់ថា លោក ​អ៊ូច ភា ជាអភិបាលរងខេត្តតាកែវ។

បើប្រឡែកមើលគណនីហ្វេសប៊ុក លោក ឡាយ វណ្ណៈ នៅថ្ងៃនេះ បានឱ្យដឹងថា៖ ព្រឹកថ្ងៃច័ន្ទ ១០កើត ខែចេត្រ ឆ្នាំរកា នព្វស័ក ព.ស២៥៦១ ស្រង៉ែ ថ្ងៃទី២៦ ខែមីនា ឆ្នាំ២០១៨ ព្រឹកនេះខ្ញុំបន្តចុះមកដល់ឃុំសំបួរ និងឃុំស្រង៉ែក្នុងស្រុកទ្រាំង ដើម្បីជួបសំណេះសំណាលជាមួយក្រុមប្រឹក្សាឃុំ នាយកសាលា មណ្ឌលសុខភាព លោកមេភូមិ មេភូមិរង សមាជិកភូមិ ដើម្បីសួរសុខទុក្ខ និងបង្កើនភាពស្និទ្ធស្នាលជាមួយមន្ត្រីមូលដ្ឋានរបស់យើង។

អតីតអភិបាលខេត្តតាកែវរូបនេះ​បន្តថា៖ សូមអរគុណដល់មន្ត្រីមូលដ្ឋានយើងដែលបានខិតខំបម្រើសេវាសាធារណៈបានយ៉ាងល្អជូនប្រជាពលរដ្ឋរបស់ខ្លួន ហើយសូមអ៊ុំ ពូ មីង បងប្អូនបន្តការផ្តល់សេវាឱ្យល្អបន្ថែមទៀត ព្រមទាំងបង្កើនឱ្យបានទ្វេដងចុះជួបប្រជាពលរដ្ឋតាមភូមិ តាមខ្នងផ្ទះដើម្បីដឹងពីសុខទុក្ខ ភាពក្តៅត្រជាក់ កង្វល់ សំណូមពរនានារបស់បងប្អូនប្រជាពលរដ្ឋយើង។

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor