Sponsor
អាម៉ាប៉ាប៉ាញ៉ូស

សៀមរាបៈ អគ្គិសនី​កម្ពុជា បាន​ចេញមក​អះអាងថា បង្គោល​ភ្លើង​បំភ្លឺ​ផ្លូវ​នៅ​កណ្តាល​ក្រុង​សៀមរាប ដែល​ឆ្លងភ្លើង​ឆក់​នារី​ម្នាក់​ស្លាប់​កាលពីវេលា​ទាបភ្លឺ ​ថ្ងៃទី​២៩ ខែមីនា ឆ្នាំ​២០១៨ មិន​ស្ថិតនៅក្រោម​កា​រ​គ្រប់គ្រង​របស់ខ្លួន​នោះឡើយ​។​

​ការ​ចេញមក​បញ្ជាក់រ​បស់​អគ្គិសនី​កម្ពុជា បានធ្វើ​ឡើង​ក្រោយ​ពេលដែល​នារី​ម្នា​ក់នៅ​ទាបភ្លឺ​ថ្ងៃ បាន​ស្លាប់បាត់​បង់ជីវិត ​ដោយសារ​ឆក់​ចរន្តអគ្គិសនី​ពេល​រូបនាង​យកដៃ​ប៉ះ​បង្គោល​ភ្លើង​១​ដើម ​ស្ថិតនៅ​ចំណុច​បង្គោល​ភ្លើង​លេខ​៥៥៩ ផ្លូវ​បេតុង ក្នុងភូមិ​សាលាកន្សែង សង្កាត់​ស្វាយដង្គំ ក្រុង​-ខេត្តសៀមរាប​។​

​នារី​​គ្រោះ​ត្រូវគេ​ស្គាល់​ឈ្មោះ ថា ភា អាយុ២២​ឆ្នាំ មុខរបរ​បុគ្គលិក​ហាង​តា​លាភ អូរឫស្សី​២ ស្នាក់នៅ​បណ្តោះអាសន្ន បន្ទប់​ជួល​ភូមិសាលាកន្សែង សង្កាត់​ស្វាយដង្គំ ក្រុង​-ខេត្តសៀមរាប​។​

​ក្រោយ​ពេលមានរឿងហេតុកើតឡើង មជ្ឍដ្ឋានខ្លះ ​នាំគ្នា​​រិះគន់ និង​បានចោទប្រកាន់ថា​ករណី​នេះ​បណ្តាលមកពី​ខាង​មន្ត្រី​អគ្គិសនី​ក្នុង​ខេត្តសៀមរាប​មិន​យកចិត្តទុកដាក់​រៀបចំ​បង្គោល​ភ្លើង​ឲ្យ​ត្រឹមត្រូវ​ ទើប​ធ្វើ​ឲ្យ​ឆ្លង​ចរន្ត​ស្លាប់​មនុស្ស​បែបនេះ​។​

​ក្រោយ​ការរិះគន់​នេះ អគ្គិសនី​កម្ពុជាបានចេញមុខអះអាងថា បង្គោល​ភ្លើង​បំភ្លឺ​ផ្លូវ​សាធារណៈ​ មិន​ស្ថិតនៅក្រោម​ការគ្រប់គ្រង និង​ទទួលខុសត្រូវ​របស់​អគ្គិសនី​កម្ពុជា ឬអគ្គិសនី​ខេត្ត​នោះទេ​។​

​បើតាម​មន្ត្រីខេត្ត​សៀមរាប​បាន​អះអាងថា បង្គោល​ភ្លើង​បំភ្លឺ​ផ្លូវ​សាធារណៈ​នេះ ត្រូវ​រៀបចំ និង​គ្រប់គ្រង​ដោយ​សាលាខេត្ត​ផ្ទាល់​តែម្តង​៕​

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor