
ម្ចាស់រថយន្តម៉ាក ហ្គិច ពណ៌ខ្មៅ ពាក់ស្លាកលេខ ភ្នំពេញ 2AP-9719 ដែលបើកប៉ះគេមិនឈប់ហើយបើករត់ ត្រូវក្រុមប្រជាពលរដ្ឋ បញ្ចេញកំហឹងប៉ុនប៉ងវាយសម្លាប់ និង បំផ្លាញរថយន្តស្ទើរខ្ទេចខ្ទីនោះមានឈ្មោះ លោកបណ្ឌិត ស៊ុយ សារ៉េត ជាសាស្ត្រាចារ្យ នៅសាកលវិទ្យាល័យកម្ពុជា ។
គិតមកត្រឹមម៉ោង១១ យប់នេះ លោកបណ្ឌិត មិនទាន់ស្លាប់ទេ ខណៈមានពាក្យចចាមរាមថាស្លាប់ ប៉ុន្តែស្ថិតក្នុងស្ថានភាពធ្ងន់ធ្ងរ កំពុងបញ្ជូនទៅប្រទេសវៀតណាម។





ប្រភពច្បាស់ការពីសមត្ថកិច្ចក្រុងបានឲ្យដឹងថា ពេលនេះសមត្ថកិច្ចកំពុងប្រមូលភស្តុតាង និង វីដេអូ ជនល្មើសដែលប្រើហិង្សាវាយជនបង្ករគ្រោះថ្នាក់ចរាចរ ដើម្បីយកមកផ្ដន្ទាទោសតាមច្បាប់ ។ ជនប្រព្រឹត្តអំពើហិង្សានេះត្រូវបានថតជាប់ដោយអ្នកសារព័ត៌មាន ។