Loading...

Saturday, March 17, 2018

សត្វស្វា៣២ក្បាល ត្រូវបានជួយសង្គ្រោះពីឈ្មួញ ខណៈពេលបម្រុងលួចចេញទៅលក់ក្នុងទីផ្សារងងឹត

អាម៉ាប៉ាប៉ាញ៉ូស

មណ្ឌលគិរីៈ ​សត្វ​ស្វា​ស្រូវ​ប្រមាណ​៣២​ក្បាល ​ត្រូវបាន​គេ​ជួយសង្គ្រោះ​ទាន់ពេលវេលា ​ខណៈ​សត្វ​ស្វា​ទាំងនោះ ​ត្រូវបាន​ឈ្មួញ​ទុច្ចរិត​ដឹក​យកទៅ​បម្រុង​លក់​ក្នុង​ទីផ្សារងងឹត​។ ​ការសង្គ្រោះ​សត្វ​ស្វា​ខាងលើ​ ធ្វើឡើង​ពី​សំណាក់​នគរបាល​ប៉ុស្តិ៍​រដ្ឋបាល​មេ​ម៉​ង់ ​សហការ​ជាមួយ​ស្នាក់ការ​បរិស្ថាន​ប្រចាំ​ឃុំ​មេ​ម៉​ង់ ​និង​កងរាជអាវុធហត្ថ​ស្នាក់ការ​សន្តិសុខ​៧៦៤ ​កាលពី​ម៉ោង​៤​ទាបភ្លឺ ​ថ្ងៃទី​១៦ ​ខែមីនា ​ឆ្នាំ​២០១៨ ។

លោក​ ស៊ុន ​ប៊ុនធឿន​ អធិការនគរបាល​ស្រុក​កែវ​សីមា ​បានឲ្យដឹងថា ​កម្លាំង​ប៉ុស្តិ៍​មេ​ម៉​ង់​បាន​សហការ​ជាមួយ​ស្នាក់ការ​បរិស្ថាន​ប្រចាំ​ឃុំ​មេ​ម៉​ង់ ​និង​កងរាជអាវុធហត្ថ​ស្នាក់​សន្តិសុខ៧៦៤ បាន​ឃាត់​ម៉ូតូ​សង្ស័យ​ចំនួន​២​គ្រឿង ម៉ូតូ​ទី​១.ម៉ាក Exciter ពណ៌​ក្រហម​ ម៉ូតូ​ទី​២. ឆ្លាម​កែច្នៃ ដោយ​ម្ចាស់​ម៉ូតូ​រត់​គេចខ្លួនបាត់​។ ក្រោយ​ការ​ឆេ​ក​ឆេរ​សមត្ថកិច្ច​បាន​រក​ឃើញ​នូវ​សត្វ​ស្វា​ចំនួន​៣២​ក្បាល ក្នុងនោះ​វា​បាន​ងាប់​៨​ក្បាល​ទៅហើយ​ ។

​លោ​កថា​ សត្វ​ស្វា​នោះ​ជា​អំបូរ​ស្វា​ស្រូវ ហើយ​យើង​បាន​រំដោះ​ពី​ដៃ​ឈ្មួញ​នៅត្រង់ចំណុច​ក្រោម​ភ្នំ​កាច់ករ ភូមិសាស្ត្រ ឃុំ​មេ​ម៉​ង ស្រុក​កែវ​សីមា ​ខេត្តមណ្ឌលគិរី​។​ លោក​អធិការ ​បាន​បញ្ជាក់ថា ​ម៉ូតូ​ជា​មធ្យោបាយ​របស់​ឈ្មួញ ​ត្រូវ​យកមក​រក្សាទុក​នៅ​ស្នាក់ការ​បរិស្ថាន ​។ ​ឯ​សត្វ​ស្វា​ដែល​នៅរស់​បាន​យកទៅ​ដោះលែង​ឲ្យមាន​សេរីភាព​ក្នុង​ជម្រក​របស់​វា​ដដែល​ ដោយឡែក​ស្វា​ដែល​ងាប់​តម្រូវឲ្យ​យកទៅ​ដុត​បំផ្លាញចោល៕

@Amapapa.News

Feature Ads