ភ្នំពេញៈ ប្រធានរដ្ឋបាល នៃនាយកដ្ឋាននគរបាលការពារ នៃអគ្គស្នងការដ្ឋាននគរបាលជាតិ នៅវេលាម៉ោងប្រមាណ១០ព្រឹកថ្ងៃទី១ ខែមីនា ឆ្នាំ២០១៨នេះ បានបាញ់សម្លាប់ខ្លួនឯង នៅក្នុងបន្ទប់ធ្វើការ ដោយមិនទាន់ដឹងពីមូលហេតុច្បាស់លាស់នៅឡើយទេ។
តាមសេចក្តីរាយការណ៍បឋម បានឲ្យដឹងថា ប្រធានរដ្ឋបាលរូបនេះ ឈ្មោះ ហាក់ វ៉ន បានប្រើប្រាស់កាំភ្លើង AK47 បាញ់សម្លាប់ខ្លួន ក្នុងបន្ទប់ធ្វើការ បង្កឲ្យមានភ្ញាក់ផ្អើលយ៉ាងខ្លាំង។
បើតាមមន្ត្រីនៅក្នុងអង្គភាពជាមួយគ្នា បានបង្ហើបឲ្យដឹងថា លោក ហាក់ វ៉ន មានជំងឺផ្លូវចិត្តហើយធ្លាប់ត្រូវបានវៀតណាមបញ្ជូនត្រឡប់មកប្រទេសវិញ នៅពេលលោកទៅរៀននៅប្រទេសវៀតណាម។
ក្រោយមានការបាញ់សម្លាប់ខ្លួនភ្លាមៗ គេសង្កេតឃើញមានកម្លាំងសមត្ថកិច្ចជំនាញ បានចុះពិនិត្យនៅកន្លែងកើតហេតុផងដែរ។
