កំពង់ឆ្នាំង : ប្រជាពលរដ្ឋជាង៨០គ្រួសារ តំណាងអោយពលរដ្ឋជាង៣០០គ្រួសារ រស់នៅក្នុង ភូមិភ្នំតាសាំ ឃុំគ្រាំងស្គារ ស្រុកទឹកផុស ខេត្តកំពង់ឆ្នាំង បានជួបជុំគ្នា តវ៉ាជំទាស់និងអាជា្ញធរ លើកពីនេះពួកគាត់សុំការអន្តរាគមន៍ទាមទារដីមកវិញ។
ពលរដ្ឋជាច្រើនគ្រួសារ នៅថ្ងៃសៅរ៍ម្សិលមុិញ
បានបញ្ជាក់ថា ដើមឡើយដីនៅចំណុចអូក្រសារ ក្នុងភូមិខាងលើនេះ ជាដីសហគមន៍ដែលមានចំនួន៧៣០ហិចតា ប៉ុន្តែអតីតមេឃុំគ្រាំងស្គារ ឈ្មោះ គង់ សំអ៉ីម (បច្ចុប្បន្នជាជំទប់ទី២)បានឃុបឃិតគ្នាជាមួយប្រជាពលរដ្ឋ ១១គ្រួសារផ្សេងទៀត យកដីសហគមន៍នោះ ចំនួន២១ហិចតាលក់ឲ្យក្រុមឈ្មួញ កាលពីថ្ងៃទី១៤ ខែមិនា ឆ្នាំ២០១៨កន្លង។
-លោក ចាន់ ក្រេត តំណាងប្រជាជនជាង៣០០គ្រួសារបានរៀបរាប់ប្រាប់អ្នកយកពត៌មានថា ពីមុនដីសហគមន៍មានចំនួន៧៣០ហិចតា ក្រោយមកនៅក្នុងឆ្នាំ២០១៧ ដីនេះក៍បានប្រគល់មកអោយប្រជនជាអ្នកកាន់កាប់វិញ ពេលនោះក្រុមប្រជាជនក៍បានធ្វើការវាស់វែងឃើញថានៅសល់ត្រឹមតែ១៤២ហិចតាតែប៉ុណ្ណោះ។ ស្រាប់តែមានប្រជាជន១១គ្រួសារបានអះអាងថាក្នុងដី១៤២ហិចតានោះ គឺមានដី២១ហិចតាជារបស់ខ្លួន ដែលមានប្លង់រ៉ឹងត្រឹមត្រូវ ដែលទទួលស្គាល់ដោយអាជ្ញាធរភូមិនិងឃុំ។
-ពេលលឺដូច្នោះប្រជាជនជាង៣០០គ្រួសារក៍បានធ្វើការទាមទារអោយអ្នកទាំង១១គ្រួសានោះប្រគល់ដីទាំង២១ហិចតានោះមកធ្វើជាសម្បត្តិរួមវិញ ការនិយាយចចារគ្នាបានអូសបន្លាយជាយូរខែ លុះរហូតមកដល់ម៉ោងប្រហែលជា៩ព្រឹកថ្ងៃទី១៤ ខែមិនា ឆ្នាំ២០១៨ ក្រុមប្រជាជនទាំង១១គ្រួសារក៍បានយល់ព្រមធ្វើកិច្ចសន្យាប្រគល់ដីទាំង២០ហិចតានោះមកធ្វើជាសម្បត្តិរួម ដែលមានអាជ្ញាធរភូមិ និង ឃុំជួយដឹងលឺ ព្រមទាំងមានការឯកភាព ពីប្រជាជនទាំងជាង៣០០គ្រួសារនោះថែមទៀតផង។
-បានធ្វើលិខិតប្រគល់ដីទាំង២១ហិចតានោះឲ្យប្រជាជនទាំងជាង៣០០គ្រួសារ ដោយមានជំនឿជឿជាក់លើអាជ្ញាធរភូមិ និង ឃុំជាអ្នករៀបចំលិខិត ប្រជាជនមិនបានពិនិត្យ មិនបានប៉ុន្មានម៉ោងផងនៅថ្ងៃទី១៤ ខែមិនា ដដែលនោះក៍ស្រាប់តែបែកធ្លាយឯកសារថាលោក គង់ សំអ៉ីម អតីតៈមេឃុំគ្រាំងស្គារ ដែលបច្ចុប្បន្នជាជំទប់ទី២ និងបក្សពួក មានមេភូមិ និងមេឃុំផងនោះ បានធ្វើលិខិតលក់ទិញជាមួយឈ្មួញដែលមានចុះហត្ថលេខា ពីមេភូមិនៅរសៀលថ្ងៃទី១៤ ខែមិនា ឆ្នាំ២០១៨ គឺថ្ងៃដដែលដោយមានមេឃុំស៊ីញ៉េ នៅថ្ងៃទី១៥ ខែមិនា ឆ្នាំ២០១៨ វាយត្រាឡើងក្រហមឆ្អៅ។
-ប្រជាពលរដ្ឋ ពេលដឹងថាលោកគង់ សំអ៉ីម និងបក្សពួកមានភូមិឃុំ និងប្រជាជន១១គ្រួសារលេងល្បែងឆ្ពិនភ្នែកដាក់ពួកគាត់បែបនេះ ប្រជាជនទាំងជាង៣០០គ្រួសារ ដែលរស់នៅតំបន់ខាងលើ ក៍កើតទុក្ខមិនសុខចិត្តទេ គឺពួកគាត់ទាមទារដី២១ហិចតានោះមកដាក់ជាទ្រព្យសម្បត្តិរួមវិញ។
-ជុំវិញករណីខាងលើនេះលោក គង់ សំអ៉ីម បានបំភ្លឺប្រាប់អ្នកសារពត៌យើងថា ពិតជាបានលក់មែន ដោយសារប្រជាជនទាំង១១គ្រួសារ មានប្លង់កាន់កាប់បានផ្តិតមេដៃប្រគល់សិទ្ធិ ជូនគាត់សំរាប់លក់អោយឈ្មួញជំនួស ។
-រឿងរាវខាងលើនេះប្រជាជនទាំងជាង៣០០គ្រួសារ បានសំណូមពរដល់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង ជួយរកដំណោះស្រាយយកដីនោះជាសម្បត្តិរួមផង និង គួរតែមានវិធានការណ៍ ដាក់វិន័យ អោយបានតឹងរឹងបំផុតទៅលើបុគ្គលដែលប្រព្រឹត្តរឿងបែបនេះ បើក្នុងករណីរកឃើញដូចការចោទប្រកាន់របស់ពលរដ្ឋ ៕
