Tuesday, April 3, 2018

ចំថ្ងៃខួបកំណើត កញ្ញា ធី សុវណ្ណាថា វៃបកលោក វិល្លាម រឿងរិះគន់ព្រះរាជអាជ្ញា

រិទ្ធី

កាលពីព្រឹកមិញ លោក វិល្លាម បានរិះគន់ព្រះរាជអាជ្ញាថាចោទប្រកាន់លោកខុសនីតិវិធី ដោយលោកសរសេរក្នុងហ្វេសប៊ុកថា៖ ច្បាប់មាននីតិវិធីត្រឹមត្រូវ មិនមែនស្រែកថាអានេះត្រូវជាប់គុក អានោះត្រូវជាប់គុកបានតាមចិត្តទេណា ! សូមព្រះរាជអាជ្ញាធ្វើការតាមច្បាប់ កុំធ្វើការតាមគេចង្អុលណា 

១ ៖ មួយខែចេញដីកា៣ដងគឺខុសនីតិវិធីច្បាប់

២ ៖ សំណុំរឿងមានបណ្ដឹងតបចោទតែម្ខាងគឺខុសនីតិវិធីច្បាប់

៣ ៖ កោះហៅតែ២ដង ស្រាប់តែធ្វើ RI ជំរុញស៊ើបសួរគឺខុសនីតិវិធីច្បាប់

៤ ៖ ចុះហត្ថលេខាលើដីកាខុសថ្ងៃខែហីយចាត់ចូលជាបានការគឺខុសច្បាប់រដ្ឋបាល មិនយូទេលោកព្រះរាជអាជ្ញានឹងត្រូវបានគេកោះហៅទៅឧត្តមក្រុមប្រឹក្សានៃអង្គចៅក្រមដូចគ្នា ហើយសូមជ្រាបថា គ្មាននរណាមានសិទ្ធកាត់ទោសនរណាថាត្រូវជាប់គុកឬមិនជាប់បានទេមានតែអង្គតុលាកាតែប៉ុណ្ណោះ បើរាស្ត្រក្នុងភាពជាពលរដ្ឋដូចគ្នាណាមួយដែលសម្រេចថាអ្នកនេះត្រូវជាប់គុកអ្នកនោះត្រូវជាប់គុកគឺបង្ហាញពីការបំពានច្បាប់នឹងសិទ្ធិ «ចេះច្បាប់ស្អីតែឯង»

កញ្ញា ធី សុវណ្ណថា ដែលជាគូឆ្លើយឆ្លងដូចអាយ៉ៃតាមហ្វេសប៊ុក ឆ្លើយតបថា៖ សារឆ្លើយតប William Guang មុននឹងលោកវាយប្រហារច្បាប់ និងព្រះរាជអាជ្ញា​សូមលោករៀនសូត្រច្បាប់​ ឱ្យបានច្រើនជាងនេះ​ លោកដាក់ពាក្យប្តឹងខ្ញុំ​ ប្រើឈ្មោះ​ និងអាសយដ្ឋានក្លែងក្លាយ​ នេះជាទោសបន្ថែម។

ដោយ ធី សុវណ្ណថា បង្ហាញពី៣ចំណុច៖ ១​ ឯកសារលោកផ្សាយ​ជាឯកសារ​ខុស ២​ ព្រះរាជអាជ្ញា​ កោះហៅលោក៤ដង កាលពីខែមករា ២ដង​ និងខែកុម្ភៈ ២ដង​...​ ៣​ បណ្តឹងលោកប្តឹងខ្ញុំ​ ក៏ត្រូវបានតុលាការ អនុវត្តដែរ​ ខ្ញុំត្រូវចូលបំភ្លឺនៅថ្ងៃ​៤ ខែមេសា នេះ​... តែលោកក៏មិនចូលបំភ្លឺតាម​ បណ្តឹងខ្លួនឯង បណ្តឹងលោកគ្មានអង្គហេតុគ្រប់គ្រាន់ទេខ្ញុំធ្លាប់ផ្តល់ឱកាស​ អធ្យាស្រ័យជូនលោក តែលោកមិនទទួល​ ប្រកាសខ្លួនជាអ្នកក្លាហា​នជាអ្នកចេះដឹង​ មិនខ្លាចច្បាប់​ មិនខ្លាចគុក​...លោកធ្លាប់ប្រកាស​ ចង់ប្រកួតសមត្ថភាពជាមួយកូនសម្តេចតេជោ​ទាំង៣​នាក់ ទល់នឹងលោក១​កុំអួតពេក​ ឆ្លង​ ធី​ សុវណ្ណថា​ ឲ្យផុតសិនទៅ។

សូមបញ្ជាក់ថាថ្ងៃនេះជាខួបកំណើតរបស់កញ្ញា ធី​ សុវណ្ណា គម្រប់អាយុ​២៣ឆ្នាំ។

@Amapapa.News

Feature Ads