Update:រហូតមកទល់នឹងពេលនេះ ប៉ូលិសខេត្តកំពង់ចាមចាប់ខ្លួនជនសង្ស័យបានម្នាក់ហើយ ក្នុងចំណោមបក្ខពួកជាច្រើននាក់ បន្ទាប់ពីពួកគេបានចាប់ជម្រិតជនជាតិវៀតណាមដូចគ្នា នៅក្នុងទឹកដីខ្មែរ។
អភិបាលខេត្តកំពង់ចាម លោក គួច ចំរើន នៅយប់ថ្ងៃអាទិត្យ ១រោច ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១ ខែមេសា ឆ្នាំ២០១៨ នេះ បានប្រាប់អង្គភាពសារព័ត៌មាន Cam Post ដោយខ្លីថា “ចាប់បាន ១កំពុងនាំមកសួរ“។
កំពង់ចាមៈ មានករណីភ្ញាក់ផ្អើលថ្មីមួយទៀតហើយ នោះគឺករណីចាប់ជម្រិតនៅក្រុងកំពង់ចាម ដែលប៉ូលិសអះអាងថា ជនល្មើសគឺជាជនជាតិវៀតណាម ចំណែកជនរងគ្រោះក៏ជាជនជាតិវៀតណាមដែរ។
រហូតមកទល់នឹងរសៀល ថ្ងៃអាទិត្យ ១រោច ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១ ខែមេសា ឆ្នាំ២០១៨ នេះប៉ូលិសក្រុងកំពង់ចាម បានបញ្ជាឲ្យមន្រ្តីពាក់ព័ន្ធតាមចាប់ជនល្មើសឲ្យខាងតែបាន ពិសេសគឺរថយន្តម៉ាកកាមរី ពណ៌ទឹកប្រាក់ ពាក់ស្លាកលេខ ភ្នំពេញ 2L-7050 ក្រោយពីពាក់ព័ន្ធករណីចាប់ជម្រិត។
បើតាមមន្រ្តីប៉ូលិសខេត្តកំពង់ចាម បានប្រាប់ថា កាលពីព្រឹកមុិញមានករណីចាប់ជម្រិតយករថយន្ត១គ្រឿង នៅក្នុងសណ្ឋាគារភ្នំប្រុស ស្ថិតក្នុងក្រុង-ខេត្តកំពង់ចាម ដោយជនរងគ្រោះជាជនជាតិវៀតណាម ចំណែកក្រុមជនល្មើសក៏ជាជនជាតិវៀតណាមដូចគ្នាផងដែរ។
ប៉ូលិសបន្តថា ករណីនេះសង្ស័យជនរងគ្រោះជាអ្នករត់តាក់សុីដែលជនល្មើសចូលតាមក្រុងបាវិត ខេត្តស្វាយរៀង៕
