header ads

Sponsor

អាម៉ាប៉ាប៉ាញ៉ូស

ភ្នំពេញៈ ករណីដែលក្មេងស្រីរងគ្រោះឈ្មោះ​ ជា​ ស្រីនូ​ ហៅស្រីពៅ អាយុ១៦ឆ្នាំ ទ្រាំឲ្យថៅកែស្រីជាម្ចាស់ផ្ទះវាយធ្វើបាប អស់រយៈពេល៤ឆ្នាំ ក៏ព្រោះតែរកថវិកាជូនម្តាយ និងគ្រួសារនៅស្រុកកំណើតនោះ ធ្វើឲ្យមហាជនជាច្រើនសម្តែងក្តីអាណិតអាសូរ និងមានការប្រមូលថវិកា នៅតាមបណ្តាញសង្គម ដើម្បីជួយដល់ក្មេងស្រីរងគ្រោះនោះផងដែរ ។

យ៉ាងណាមិញ នៅល្ងាចថ្ងៃទី៣០ ខែឧសភា ឆ្នាំ២០១៨ វិទ្យុABC ក៏បានធ្វើការប្រកាសថា មិនទទួលយកថវិកា ដែលបានពីហ្វេសប៊ុកផេកមួយចំនួនបានប្រមូល ដើម្បីជួយដល់ក្មេងស្រីរងគ្រោះឈ្មោះ​ ជា​ ស្រីនូ ​។

ដោយវិទ្យុABC បានប្រកាសឲ្យដឹងថា “សូមគោរពជូនដំណឹងជាថ្មី​ វិទ្យុABC សុំប្រកាសមិនទទួលថវិកាពីបណ្តាPage មួយចំនួន ដែលប្រមូលមកជួយដល់ប្អូនស្រីនូ ហៅស្រីពៅ ​បន្តទៀតទេ ។​ មកដល់ពេលនេះ ប្អូនស្រីពៅ បានទទួលថវិកាពីប្រិយមិត្ត ABC បានជិត 2000ដុល្លារ ហើយ​នៅលើដៃរបស់ម្តាយគេ ល្មមអាចគ្រប់គ្រាន់សម្រាប់ការរស់នៅប្រចាំថ្ងៃ។​ ចំណែកការរស់នៅ​របស់ប្អូនស្រី​ពៅ គឺបានការទទួលខុសត្រូវ​ ចាត់ចែងពីខាងប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច ដោយមានលោក​ ឈួរ សុបញ្ញា ​ជាប្រធាន​ ហើយ ABCប្រកាសមិនទទួលខុសត្រូវចំពោះការបាត់បង់ដែលបណ្តា ​Page មួយចំនួន ប្រមូលថវិកាពីលោកអ្នកនោះឡើយ។ ដោយក្តីគោរព” ។

ទស្សនិជនបានដឹងរួចមកហើយថា ប្អូនស្រី ជា ស្រីនូ ហៅស្រីពៅ ជាជនរងគ្រោះ ដែលត្រូវថៅកែស្រីចិត្តព្រៃផ្សៃជនជាតិវៀតណាម ដោយមានការអាណិតអាសូរយ៉ាងពន់ពេកពីសំណាក់មហាជន ។

សូមបញ្ជាក់ថា​ កាលពីថ្ងៃពុធ ទី៣០ ខែឧសភា​ ឆ្នាំ​២០១៨ម្សិលមិញ​នេះ​ ប្អូនស្រីរងគ្រោះទទួលបានការឧបត្ថម្ភពីសំណាក់សប្បុរសជន២នាក់រួចហើយ ក្នុងនោះមានដូចជា ទី១-លោកជំទាវអ្នកឧកញ៉ា បណ្ឌិត សៀង ចាន់ហេង បានឧបត្ថម្ភថវិកា ចំនួន២លានរៀល និងទី២-លោកស្រី សូរ​ សីហៈ អគ្គនាយកក្រុមហ៊ុន មង្គលបុប្ផា បានឧបត្ថម្ភថវិកា ចំនួន១លានរៀល ។ សរុបទឹកប្រាក់របស់សប្បុរសជន ដែលប្អូនទទួលបាន ៣លានរៀល និងមាន​សប្បុរសជន​ដទៃទៀត​ ក៏បានជួយប្អូនស្រីតាមលទ្ធភាពផងដែរ ។

បើយោងតាមគណនីហ្វេសប៊ុករបស់អ្នក​ស្រី ចំរើន ច័ន្ទលីដា ដែលជាម្ចាស់​ឱសថ​ស្ថានមួយនៅក្រុងព្រះសីហនុ បានបង្ហោះសារថា “ចង់​បាន​ក្មេង​ស្រី​រង​គ្រោះ​យក​ទៅ​ចិញ្ចឹម និង​ទំនុក​បម្រុង ព្រម​ទាំង​ផ្ដល់​ការ​សិក្សា“ ។

ទោះយ៉ាងណា ជួសមុខឲ្យកុមារី សូមថ្លែងអំណរគុណដល់លោកជំទាវ និងលោកស្រី ជួបតែសេចក្តីសុខ និងទទួលបានជោគជ័យគ្រប់ភារៈកិច្ច៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post