តាកែវ- ក្រោមតំណក់ភ្លៀងរលឹមស្រិចៗ មួយមេធំលាយឡំជាមួយខ្យល់ បានឆក់យកជីវិតមនុស្ស២នាក់ ដោយសារគ្រោះធម្មជាតិ រន្ទះបាញ់ នារសៀលថ្ងៃទី៨ ខែឧសភា ឆ្នាំ២០១៨។
បើយោងតាមរបាយការណ៍ ដែលទទួលបានបានឲ្យដឹងថា មានបរុស២នាក់បានស្លាប់ ដោយសារគ្រោះធម្មជាតិ រន្ទះបាញ់ ទី១មានឈ្មោះជុន ខុន ភេទប្រុស អាយុ៤៩ឆ្នាំ នៅភូមិព្រៃរំពាក់ ឃុំអង្គកែវ ស្រុកទ្រាំង ខេត្តតាកែវ ខណៈពេលដែលជនរងគ្រោះ កំពុងតែយកចបមកកាយបង្ហូរទឹកចេញពីមុខផ្ទះរបស់គាត់។
និងទី២ ឈ្មោះ ជុំ ផែន ភេទប្រុស អាយុ ៥៨ឆ្នាំ មានកូន៥នាក់ក្នុងបន្ទុក រស់នៅភូមិតុំ សង្កាត់រកាក្រៅ ក្រុងដូនកែវ ខណៈដែលជនរងគ្រោះ កំពុងដោះលបកំពឹស នៅកណ្ដាលបឹងវត្តតុំ ។
បច្ចុប្បន្នសពជនរងគ្រោះ ត្រូវបានសមត្ថកិច្ច ប្រគល់ជូនក្រុមគ្រួសារធ្វើបុណ្យទៅតាមប្រពៃណី៕
