បន្ទាប់ពីប្រសាសន៍របស់ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា៖ « ការកំណត់តម្លៃសាំងធម្មតានៅលើទីផ្សារ គឺជាយុទ្ធសាស្ត្រសម្រាប់ជួយអ្នកក្រ ព្រោះអ្នកក្រភាគច្រើនប្រើប្រេងសាំងធម្មតា ចំណែកអ្នកមានឡានទំនើបៗ គេចាក់សាំងល្អ ដើម្បីឲ្យម៉ាស៊ីនឡានដំណើរការល្អ ដូចនេះ យើងមិនព្រួយពីការឡើងថ្លៃលើប្រភេទសាំងស៊ុបពែរទេ » បានធ្វើឲ្យមានការធ្វើការបែងចែកនូវវណ្ណៈសាំង ដោយមានជា សាំងអ្នកមាន និង សាំងអ្នកក្រ ហើយក៍បាន និងកំពុងវាយលុកពេញ លើបណ្ដាញសង្គមហ្វេសប៊ុក ។
វីដេអូ ប្រសាសន៍ លោក រដ្ឋមន្ត្រី ៖
វីដេអូជាក់ស្ដែងរបស់ពលរដ្ឋ ៖
យ៉ាងណាទាក់ទងនឹងការបែកចែកវណ្ណៈនេះ នៅព្រឹកថ្ងៃទី ១១ ខែឧសភា នេះ លោករដ្ឋមន្រ្តី ក៍បានធ្វើការបកស្រាយបំភ្លឺបន្ថែមថា ការពិតលោកពុំមានចេតនាឡើយក្នុងការបែកចែកវណ្ណៈ សាំងអ្នកមាន និងសាំងអ្នកក្រ នេះ ដោយលោកគ្រាន់តែចង់និយាយថា ភាគច្រើនអ្នកមាន មានឡានតម្លៃថ្លៃ គឺត្រូវការចាក់សាំងស៊ុបពែរ ដើម្បីឲ្យត្រូវនឹងស៊ែរីឡាន ចំណែកពលរដ្ឋដែលមិនសូវធូរធារវិញ ភាគច្រើនជិះម៉ូតូ និងឡានធម្មតា ដូច្នឹងហើយទើបចាក់សាំងធម្មតា បញ្ហានេះហើយបានជាក្រសួង គ្រប់គ្រងសាំងធម្មតា និងម៉ាសូត កុំឲ្យមានតម្លៃប្រែប្រួលខ្លាំងពេក ដើម្បីកុំឲ្យប៉ះពាល់ពលរដ្ឋក្រីក្រ ៕
