Sponsor
អាម៉ាប៉ាប៉ាញ៉ូស

ភ្នំពេញៈ កាលពីយប់ថ្ងៃទី២០ ឧសភា ស្វាមីអ្នកនាង ម៉ៅ ស៊ីណាត គឺលោក ហោ សែមវិសាល ដែលត្រូវគេដឹងថា ទើបនឹងបែកបាក់អ្នកនាងមិនទាន់បានប៉ុន្មានថ្ងៃនោះ បាន​ជួប​គ្រោះថ្នាក់ចរាចរណ៍ រងរបួសធ្ងន់ធ្ងរ។ បើទោះជាអ្នកនាង ស៊ីណាត ប្រកាន់ជំហរមិនអាចផ្សះផ្សារ គ្រាន់តែបានឮដំណឹងរន្ឋត់នេះ អ្នកនាងស្លត់ចិត្តហើយទប់ចិត្តមិនបាន ថែមទាំងស្រូត​ទៅដល់មន្ទីរពេទ្យភ្លាម។

ហេតុការណ៍គ្រោះថ្នាក់ចរាចរណ៍ ដែលបានកើតឡើងនោះ គឺនៅវេលាម៉ោងប្រមាណជាង១០យប់ថ្ងៃទី២០ ឧសភា នៅចំណុចម្ដុំអូឌឹម ជិតទីតាំងបម្រើការរបស់ស្វាមីអ្នកនាង ម៉ៅ ស៊ីណាត ដោយលោកវិសាល ត្រូវគេឃើញជិះម៉ូតូត្រឡប់មកផ្ទះ ហើយ​ក៏​បុកគ្នាពេញទំហឹងជាមួយនឹងម៉ូតូកង់៣ ដែលបត់​​​ទទឹងទិស​ បណ្ដាលឲ្យ​ស្វាមីអ្នកនាង ម៉ៅ ស៊ីណាត ដួលបោកក្បាលបែករយៈ និងត្រូវបានក្រុមគ្រូពេទ្យអះអាងថា លោកត្រូវប្រឈមនឹងការបាក់ឆ្អឹងខាងក្នុងមួយចំនួន   បន្ទាប់ពីមកបង្កហេតុរួច ​​កង់បីរត់បាត់។ លោកត្រូវបានអ្នកនាង ម៉ៅ ស៊ីណាត បញ្ជូនទៅសង្គ្រោះបន្ទាន់នៅមន្ទីរពេទ្យលោកសង្ឃ ប៉ុន្តែត្រូវបានបញ្ជូនចេញនៅប៉ុន្មានម៉ោងក្រោយ ដោយ​សារតែស្វាមីអ្នកនាង ម៉ៅ ស៊ីណាត មានក្របខ័ណ្ឌទាហាន ហើយត្រូវបានគេស្នើឲ្យ​ទៅព្យាបាលនៅមន្ទីរពេទ្យព្រះកេតុមាលា ដែលត្រូវគេស្គាល់ថា ជាពេទ្យទាហាន។ រូបភាពនៅក្នុងមន្ទីរពេទ្យរបស់​​​លោក មិនត្រូវបាន​​ក្រុម​គ្រូពេទ្យអនុញ្ញាតឲ្យ​ថតនោះទេ ជាពិសេសចំពោះមុខរបួស ដែល​មានសភាពធ្ងន់ធ្ងរនៅ​លើ​ថ្ងាស ក្បាល និង​​​លើជើង។

អ្នកនាងនិយាយថា ទោះជាអ្នកនាង និងស្វាមី មានរឿងខ្វែងគំនិតរហូតដល់ថ្នាក់ប្រកាសបែកគ្នា ប៉ុន្តែអ្នកនាងទប់ចិត្តមិនបាននោះទេ នៅពេលស្វាមីស្រាប់តែមានគ្រោះថ្នាក់ដល់ម្លឹង ក្នុងពេលដែលមុនគ្រោះថ្នាក់ ក៏លោកនៅតែចេញចូលមកមើលកូន និងខលសុំជុំគ្នា​វិញច្រើនដង តែអ្នកនាងចិត្តរឹងមិនព្រមទទួលយក។ អ្នកនាងត្រូវគេឃើញអត់ងងុយស៊ីព្រុយកន្ទេលពេញមួយយប់ នៅ​កំដរលោកដោយមិនគិតពីអតីតកាលជុំវិញរឿងខ្វែងគំនិតគ្នានោះទេ​ ជាពិសេសនៅពេលដែលស្វាមីរបស់អ្នកនាង ចាប់ដៃអ្នកនាងជាប់មិនឲ្យ​ទៅណា ក្នុងពេលបញ្ជូនទៅកាន់កន្លែងសង្គ្រោះបន្ទាន់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor