លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា៖ « ការកំណត់តម្លៃសាំងធម្មតានៅលើទីផ្សារ គឺជាយុទ្ធសាស្ត្រសម្រាប់ជួយអ្នកក្រ ព្រោះអ្នកក្រភាគច្រើនប្រើប្រេងសាំងធម្មតា ចំណែកអ្នកមានឡានទំនើបៗ គេចាក់សាំងល្អ ដើម្បីឲ្យម៉ាស៊ីនឡានដំណើរការល្អ ដូចនេះ យើងមិនព្រួយពីការឡើងថ្លៃលើប្រភេទសាំងស៊ុបពែរទេ » ។
បន្ទាប់ពីការលើកឡើងខាងលើរួចមក ធ្វើឲ្យមានមតិរិះគន់ជាច្រើនពីអ្នកលេងហ្វេសប៊ុក ហើយក្នុងនោះដែរ ប្រធានគណបក្សខ្មែរក្រោក ក៍មានការប្រតិកម្មផងដែរថា ទាក់ទងនឹងរឿងបែងចែកវណ្ណៈសាំងនេះ ដោយលោកបានលើកឡើងថា ៖
សូម្បីតែចាក់សាំងក៏ត្រូវបែងចែកវណ្ណៈដែរ
លោករដ្ឋមន្ត្រីក្រសួងពាណិជ្ជកម្មថា សាំងថ្លៃ Super ជាសាំងអ្នកមាន ឯសាំងថោក Regular ជាសាំងអ្នកក្រ 😂 ចប់ហេីយលោករដ្ឋមន្ត្រី ចុះម៉ាស៊ីនយានយន្តរបស់អ្នកក្រគ្នាមិនត្រូវការសាំងល្អទេឬ ?
ឯលោកអ្នកនាំពាក្យក្រសួងពាណិជ្ជកម្ម ថាសាំងនៅស្រុកខ្មែរថ្លៃមកពីខ្មែរមិនទាន់ចេះផលិតសាំង ។ ចុះអង្កាលបានចេះផលិតទៅក្រែងប្រទេសខ្លាតោសេដ្ឋកិច្ចហ្អី
ខ្ញុំថាទ្រាំរិះគន់មន្ត្រីអស់នេះមិនបានឡេីយ ការពិតបញ្ហាសាំងនេះមិនពិបាកដោះស្រាយសោះ តែទាំងរដ្ឋមន្ត្រី មន្ត្រីពាក់ព័ន្ធបែរជាធ្វេីលំលំ និយាយយកតែរួចខ្លួន
ពលរដ្ឋរស់ដោយស្មេីភាពគាត់ចង់បានសាំងថោក មិនមែនសាំងមានថ្លៃមានថោកមានវណ្ណៈ អញ្ចឹងទេ លោកឯងនិយាយរបៀបកូនក្មេងអញ្ចឹង
ពលរដ្ឋសុទ្ធតែដឹង ថានៅកម្ពុជាសាំងភាគច្រេីន ពាណិជ្ជករ ខ្លះនាំចូលសាំងគេចពន្ធ តែលក់ក្នុងតម្លៃមានពន្ធ ! រដ្ឋគួរដេញជេីងអាអ្នករកស៊ីខូចនឹងខ្លះហេីយឥលូវរដ្ឋចាំបាច់ត្រូវបន្ធយពន្ធសាំងហេីយបង្ខំអោយពាណិជ្ជករចាំបាច់ត្រូវបញ្ចុះតម្លៃ នោះវាក៏មិនខាតប៉ុន្មានដែរព្រោះសាំងដែលឈ្មួញនាំចូលអត់ពន្ធដែលធ្លាប់លក់ចំណេញគគ្រឹកគគ្រេងក្នុងតម្លៃមានពន្ធអាចនឹងភ្ញាក់ខ្លួន
សួរថាបេីគ្រាន់តែបន្ថយពន្ធចំណេញពលរដ្ឋយេីងសោះ កាត់បន្ថយការចំណាយគាត់សោះតេីវាខុសទាស់អី
ចំណេញពលរដ្ឋឯងសោះហ្នឹង
ឯលោកអ្នកនាំពាក្យវិញ បេីលោកនាំពាក្យនិយាយអោយតែរួចខ្លួនបែបហ្នឹង លោកលាឈប់ពីតំណែងចុះ បេីកម្ពុជាមិនទាន់ចេះផលិតសាំងបានសាំងវាថ្លៃ ចុះស្ថានីយបូមប្រេង ប្លុក A ប្លុក D នោះកាលណាបានកម្ពុជាទទួលបានផល ? ម៉េចមិនលាតត្រដាងរបាយការណ៍ជាសាធារណៈមក ចាំបាច់លាក់លៀមអ្វីម្លេះលោក ?
ហេីយបេីគ្រាន់តែបច្ចេកទេសសាំងសោះផលិតមិនបានដែរ មិនដឹងត្រង់ណាដែលសម្គាល់ថាប្រទេសជាខ្លាសេដ្ឋកិច្ចនោះ ព្រោះគ្រប់យ៉ាងសុទ្ធតែនាំចូលពីបរទេសទាំងអស់ហ្នឹង ។
ខ្ញុំថាវប្បធម៌ដោះសារគួរបញ្ឈប់ ដោយបង្កេីតវប្បធម៌ដោះស្រាយជាកំហិត ក្រសួងពាណិជ្ជកម្មត្រូវទទួលខុសត្រូវបញ្ហានេះជាបន្ទាន់
