ភ្នំពេញៈ ដោយមើលឃើញពីភាពខ្វះខាត និងជំងឺរ៉ាំរៃ របស់តារាកំប្លែង លោកយាយ ណយ សំណាង នោះ លោក ពេជ្រ កែវមុនី អភិបាលខណ្ឌមានជ័យ នៅព្រឹកថ្ងៃសុក្រ ទី៤ ខែឧសភា ឆ្នាំ២០១៨នេះ បានចុះទៅសួរសុខទុក្ខដល់គេហដ្ឋានរបស់លោកយាយ ស្ថិតនៅភូមិ សន្សំកុសល សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។
លោកអភិបាលខណ្ឌមានប្រសាសន៍ថា ក្នុងនាមជាអជ្ញាធរដែនដី ខ្ញុំមិនប្រងើយកន្តើយចំពោះប្រជាពលរដ្ឋ ក្នុងមូលដ្ឋានឡើយឲ្យតែដឹងថា មានបញ្ហាផ្សេង ខ្ញុំតែងតែចុះមកផ្ទាល់ បើទោះបីពេលខ្លះមិនបានមកផ្ទាល់ក៏ចាត់ចែងមន្រ្តីមកចូលរួមសួសុខទុក្ខដែរ ហើយក៏មិនឲ្យប្រជាពលរដ្ឋណាមួយដាច់បាយស្លាប់ដែរ។
លោកអភិបាលខណ្ឌ បន្តទៀតថា លោកយាយ ណយ សំណាង គឺជាសិល្បៈមរតកមនុស្សរស់ដូចនេះយើងត្រូវយកចិត្តទុក្ខដាក់ថែរក្សា ហើយលោកបាក៏បានជូនពរលោកយាយសូមមានសំណាងល្អ សុខភាពល្អ និងឆាប់បានចូលបម្រើវិស័យសិល្បៈវប្បធម៌វិញ។
ក្នុងការចុះមកសួសុខទុក្ខនេះលោក ពេជ្រ កែវមុនី ក៏បានឧបត្ថម្ភនូវអង្ករ មី ត្រីខ ទឹកដោះគោ ទឹកក្រូច ទឹកសុទ្ធ និងថវិកាចំនួន១លានរៀលផងដែរ៕
