មុននេះបន្តិច នាព្រឹកថ្ងៃ០៧ កើត ខែ ជេស្ឋ ឆ្នាំ ច ត្រូវនឹងថ្ងៃទី ២១ ខែ ឧសភា ឆ្នាំ ២០១៨ លោក សុខសុវណ្ណ វឌ្ឍនា សារពង្ស ហៅ វិល្លាម ប្រធានគណបក្សខ្មែរក្រោក បានសេចក្ដីអំពាវនាវ សូមប្រមុខរាជរដ្ឋាភិបាល មេត្តាស្នេីព្រះមហាក្សត្រ លេីកលែងទោសអោយលោក អ៊ុំសំអាន សកម្មជន «ព្រំដែន» និងជាអតីតតំណាងរាស្ត្រគណបក្សសង្គ្រោះជាតិ ឲ្យមានសេរីភាពឡេីងវិញ ។
សេចក្ដីអំពាវនាវ ដែលលោកប្រកាសលើគណនីហ្វេសប៊ុក មានដូចខាងក្រោម៖
ខ្ញុំបាទសូមអំពាវនាវដល់ប្រមុខរាជរដ្ឋាភិបាលកម្ពុជា ដោយយោងលេីភាពមនុស្សធម៌នឹងមេត្តាធម៌ សូមប្រមុខរាជរដ្ឋាភិបាលមេត្តាស្នេីព្រះមហាក្សត្រជាទីគោរពសក្ការៈ ដេីម្បីធ្វេីការលេីកលែងទោសអោយលោក អ៊ុំសំអាន សកម្មជន «ព្រំដែន» នឹងជាអតីតតំណាងរាស្ត្រគណបក្សសង្គ្រោះជាតិ ដែលកំពុងជាប់ឃុំឃាំងនៅមន្ទី «ម១» ឲ្យមានសេរីភាពឡេីងវិញ ព្រោះលោកបានតវ៉ាបញ្ហាព្រំដែន បញ្ហាទឹកដីដោយបុព្វហេតុមនសិកានឹងឆន្ទៈ ស្នេហាជាតិតែប៉ុណ្ណោះ ។
ដោយក្ដីគោរពរាប់អាន ពីខ្ញុំ
ថ្ងៃ៧ កេីត ខែ ជេស្ឋ ឆ្នាំច
ភ្នំពេញ / ២១ / ០៥ / ២០១៨
