Sponsor
អាម៉ាប៉ាប៉ាញ៉ូស

បន្ទាយមានជ័យៈ វត្តអារាមបានដើរតួយ៉ាងសំខាន់ ដើម្បីចូលរួមចំណែកក្នុងការអប់រំឲ្យមនុស្សធ្វើអំពើល្អ​ ដែលខុសពីសម័យ ប៉ុល ពត ទីវត្តអារាមត្រូវបានគេយកធ្វើជាកន្លែងចិញ្ចឹមសត្វ​ ឃុំឃាំង​ និងសម្លាប់មនុស្សយ៉ាងសាហាវព្រៃផ្សៃ។

ទោះបីជាសម្តេចតេជោមិនបានចុះមកដោយផ្ទាល់មែន ប៉ុន្តែលោកបានចាត់ក្រុមការងារឲ្យចុះគ្រប់កន្លែងទូទាំងប្រទេស ដើម្បីជួយមើលពីតម្រូវការរបស់ប្រជាពលរដ្ឋ​ គ្រប់មជ្ឈដ្ឋាន ក្នុងការផ្តល់ភាពងាយស្រួល និងកាន់តែនៅកៀកជាមួយប្រជាពលរដ្ឋ​ សម្តេចបានប្រើប្រព័ន្ធហ្វេសប៊ុក​ ដែលផ្តល់ឱកាសដល់ប្រជាពលរដ្ឋក្នុងការរាយការណ៍ពីបញ្ហាផ្សេងៗជូនដល់សម្តេច​ផ្ទាល់។

សមិទ្ធផលទាំងនេះអាចកើតឡើងបានដោយមានកត្តា៣​ ដែលទី១.ប្រជាជនខ្មែរយើងមានចិត្ត​ គឺមានចិត្តក្នុងការចូលរួមចែករំលែកកសាងសមិទ្ធផលផ្សេងៗទូទាំង្រទេស​ ទី២.ជីវភាព​ដែលបង្ហាញថា បច្ចុប្បន្នប្រជាជនមានលទ្ធភាពចូលរួម​ បើគាត់គ្មានជីវភាពទោះបីជាគាត់មានទឹកចិត្ត ក៏មិនមានលទ្ធភាពចូលរួមបានដែរ​ និងទី៣.គឺកត្តាសុខសន្តិភាព​ ដែលជាមូលដ្ឋានក្នុងការអភិវឌ្ឍគ្រប់វិស័យ​ កត្តាទាំងនេះហើយ ដែលធ្វើឲ្យប្រទេសយើងដើរទៅមុខលឿនក្នុងមោទនភាពមហាគ្រួសារខ្មែរ។

យើងគួរមានមោទនភាពក្នុងនាមជាជនជាតិខ្មែរ ដែលពីអីតកាលយើងធ្លាប់មានសង្គ្រាម​ តែយើងអាចរួបរួមគ្នារស់នៅជាមួយគ្នាដោយមិនប្រកាន់អតីតកាល​ គឺដើម្បីស្ថិរភាព សន្តិភាព និងអភិវឌ្ឍន៍កសាងសមិទ្ធផល ដើម្បីកូនចៅជំនាន់ក្រោយជាមួយគ្នា។ យើងកសាងបានប៉ុណ្ណេះនៅមិនទាន់គ្រប់គ្រាន់ទេ​ សម្តេចតេជោ​ នៅតែបន្តខិខំគ្រប់បែបយ៉ាង ដើម្បីប្រជាជនកាន់តែរីកចម្រើនទៅមុខបន្តទៀត។

មានប្រសាសន៍បែបនេះ ខណៈលោក ហ៊ុន​ ម៉ាណែត​ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្រ្តីនៃព្រះរាជាណាចក្រកម្ពុជា​ ចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវសាលាបាលី​ និងសមិទ្ធផលនានា​ និងបើកបវេសនៈកាលឆ្នាំសិក្សាពុទ្ធកៈបឋមសិក្សា​ ក្នុងវត្តប្រសាទស្រះកណ្តាលហៅវត្តខ្ចាស់​ ស្ថិតក្នុងភូមិខ្ចាស់​ ឃុំបុស្បូវ​ ស្រុកព្រះនេត្រព្រះ​ ខេត្តបន្ទាយមានជ័យ កាលពីថ្ងៃសៅរ៍ ៦រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែឧសភា​ ឆ្នាំ២០១៨៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor