តាកែវ៖ ក្រុមប្រជាពលរដ្ឋ បានព្រួតចាប់បានចោរលួចគោញីមួយក្បាល ប៉ុន្តែមិនបាន សម្រេច នៅចំណុចភូមិត្រពាំងស្រង់ ឃុំស្លា ស្រុកសំរោង ខេត្តតាកែវ សហការគ្នាបាន យ៉ាងល្អ ។
បើយោងតាម លោកវរសេនីយ៍ឯក មឿង សារុន អធិការ នៃអធិការដ្ឋាន នគរបាលស្រុក សំរោង បានឱ្យដឹងថា នៅព្រឹកថ្ងៃសៅរ៍១៣ រោច ខែពិសាខឆ្នាំច សំរឹទ្ធិស័ក ព.ស២៥៦២ ត្រូវថ្ងៃទី១២ ខែឧសភា ឆ្នាំ២០១៨ វេលាម៉ោង ៨និង៣០នាទី មានករណីលួច(គោ) មួយកើតឡើងនៅចំណុចវាលស្រែខាងកើតភូមិ ត្រពាំងស្រង់ ឃុំស្លា ស្រុកសំរោង ដែល បង្ករឡើង ដោយជនសង្ស័យឈ្មោះ ម៉ាន ញ៉េន ភេទប្រុស អាយុ ៣៨ឆ្នាំ ដែលមាន ទីលំនៅភូមិពោធិ៍ ឃុំស្លា ស្រុកសំរោងខេត្តតាកែវ បានធ្វើសកម្មភាពលួចគោញី០១ក្បាល ពណ៌ស របស់ឈ្មោះ អ៊ួច សាអែម ភេទប្រុស អាយុ ៤៣ឆ្នាំ រស់នៅភូមិ ឃុំកើតហេតុ ខាងលើ។
លោកអធិការបន្តថា ក្រោយពេលទទួលបានព័ត៌មានបានពីក្រុមប្រជាពលរដ្ឋភ្លាម ថាមាន ករណីចាប់បានចោរលួច(គោ) លោកបានដឹកនាំកម្លាំងជំនាញ នៃអធិការដ្ឋាននគរបាលស្រុក សហការជាមួយកម្លាំងប៉ុស្ដិ៍នគរបាលរដ្ឋបាលស្លា និងប្រជាពលរដ្ឋឃាត់ខ្លួនជន សង្ស័យខាងលើ ព្រមទាំងដកហូតវត្ថុតាងរួមមាន គោចំនួនមួយក្បាលប្រគល់ ជូនដល់ ជនរងគ្រោះវិញ បច្ចុប្បន្នជំនាញកំពង់កសាងសំណុំរឿង បញ្ជូនជនសង្ស័យមកកាន់ ស្នងការដ្ឋាននគរបាលខេត្តតាកែវចាត់ការបន្តទៅតាមនីតិវិធីច្បាប់៕
