header ads

Sponsor

អាម៉ាប៉ាប៉ាញ៉ូស

ភ្នំពេញៈ សម្តេចតេជោ ហ៊ុន សែន បានថ្លែងថា ការដែលគណបក្សប្រជាជន ចាប់សន្លឹកឆ្នោតបានលេខ២០នេះ គឺជាលេខរៀងមួយ ដែល "ងាយចាំ ងាយគិត ងាយគូរ" ហើយវា ហាក់ដូចជាគាប់ជួនខ្លាំងណាស់ ព្រោះឆ្នាំនេះជាខួប២០ឆ្នាំនៃការរកបានសន្តិភាពទាំងស្រុង និងខួប២០ឆ្នាំ ដែលគណបក្សប្រជាជនកម្ពុជា ទទួលបានជោគជ័យ ដោយក្រុមខ្មែរក្រហមដឹកនាំដោយលោក ខៀវ សំផន បានដឹកនាំគ្នាមកចុះចូលជាមួយសម្តេចដល់ផ្ទះតែម្តង។

សម្តេចតេជោ បានមានប្រសាសន៍បែបនេះ  នៅព្រឹកថ្ងៃពុធ ១រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨នេះ ក្នុងគ្រាដែលសម្តេច បានអញ្ជើញជួបសំណេះសំណាលជាមួយកម្មករ កម្មការិនីប្រមាណ ១៦,៤៧៤នាក់ មកពីរោងចក្រ សហគ្រាសចំនួន១០មកពី តំបន់នានាស្ថិតក្នុងស្រុកស្អាង និងស្រុកកោះធំ ខេត្តកណ្តាល។

សម្តេចតេជោ ហ៊ុន សែន បានប្រៀបធៀបលេខរៀងទី២០នេះ ថាជាលេខកូនពៅ ដែលតាមទំនៀមទម្លាប់ខ្មែរកូនពៅ តែងតែនៅថែរក្សាឪពុកម្តាយ។ ដូច្នេះសម្តេចជឿថា លេខរៀងកូនពៅនេះ នឹងនៅរួមរស់ជាមួយប្រជាពលរដ្ឋកម្ពុជាបន្តទៅទៀត។

សម្ដេចតេជោ ជាថ្មីម្តងទៀតបាន លើកឡើងថា សម្ដេចនឹងបន្ដដឹកនាំប្រទេសក្នុងឋានៈជានាយករដ្ឋមន្ដ្រី យ៉ាងតិច១០ឆ្នាំទៀត ហើយសម្ដេចសង្ឃឹមថា កម្មករ កម្មការិនី នឹងបន្ដបោះឆ្នោតគាំទ្រសម្ដេច។

សូមបញ្ជាក់ផងដែរថា នៅ​ព្រឹក​ថ្ងៃ​ទី​២៩ ខែ​ឧសភា ម្សិលមិញនេះ គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) បាន​ធ្វើ​ពិធី​ចាប់​ឆ្នោត​កំណត់​លេខ​រៀង​គណបក្ស​នយោបាយ​នៅ​លើ​សន្លឹក​ឆ្នោត​ដោយ​សម្តេច​ព្រះ​សង្ឃ​រាជ​ទាំង​ពីរ​គណៈ នៅ​សាលប្រជុំ​អគារ S នៃ​ក្រសួង​មហាផ្ទៃ ដោយ​មាន​ការ​ចូលរួម​ពី​តំណាង​គណបក្ស​នយោបាយ​ទាំង២០ និង​អង្គការ​ជាតិ និង​អន្តរជាតិ។

លេខ​រៀង​គណបក្ស​នយោបាយ​នៅ​លើ​សន្លឹក​ឆ្នោត​ មាន​ដូច​ខាង​ក្រោម៖

លេខ​រៀង​ទី១៖ ខ្មែររួបរួមជាតិ

លេខ​រៀង​ទី២៖ មាតុភូមិយើង

លេខ​រៀង​ទី៣៖ ពន្លឺថ្មី

លេខ​រៀង​ទី៤៖ សញ្ជាតិកម្ពុជា

លេខ​រៀង​ទី៥៖ ខ្មែរក្រោក

លេខ​រៀង​ទី៦៖ សំបុកឃ្មុំសង្គមប្រជាធិបតេយ្យ

លេខ​រៀង​ទី៧៖ ប្រជាធិបតេយ្យមូលដ្ឋាន

លេខ​រៀង​ទី៨៖ សាធារណរដ្ឋប្រជាធិបតេយ្យ

លេខ​រៀង​ទី៩៖ រស្មីខេមរា

លេខ​រៀង​ទី១០៖ សម្ព័ន្ធដើម្បីប្រជាធិបតេយ្យ

លេខ​រៀង​ទី១១៖ ខ្មែរសាធារណរដ្ឋ

លេខ​រៀង​ទី១២៖ ខ្មែរឈប់ក្រ

លេខ​រៀង​ទី១៣៖ ហ៊្វុនស៊ិនប៉ិច

លេខ​រៀង​ទី១៤៖ ខ្មែរអភិវឌ្ឍសេដ្ឋកិច្ច

លេខ​រៀង​ទី១៥៖ យុវជន​កម្ពុជា

លេខ​រៀង​ទី១៦៖ ធម្មាធិបតេយ្យ

លេខ​រៀង​ទី១៧៖ ឆន្ទៈខ្មែរ

លេខ​រៀង​ទី១៨៖ ជនជាតិដើមប្រជាធិបតេយ្យកម្ពុជា

លេខ​រៀង​ទី១៩៖ ខ្មែរតែមួយ

លេខ​រៀង​ទី២០៖ ប្រជាជនកម្ពុជា ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post