Monday, June 18, 2018

ដាច់ម៉ាស៊ីនយោងសម្ភារៈធ្លាក់សង្កត់ ស្លាប់ បុរសម្នាក់នៅការដ្ឋានសំណង់ តុង ហុកសេង

អាម៉ាប៉ាប៉ាញ៉ូស

ព្រះសីហនុៈ បុរសជាកម្មករសំណង់ម្នាក់ បានស្លាប់ ភ្លាមៗនៅកន្លែងកើតហេតុ បន្ទាប់ពីដាច់គ្រែនយូងសម្ភារៈ នៅចំណុចការដ្ឋានសំណង់ តុង ហុកសេង ដែលមានទីតាំង អូរត្រេះ២ ស្ថិតក្រុម២ ភូមិ៦ សង្កាត់៤ ក្រុង-ខេត្តសីហនុ នៅថ្ងៃទី១៨ ខែមិថុនា ឆ្នាំ២០១៨ វេលាម៉ោង ០៩:២០នាទីព្រឹក។

ជនរងគ្រោះ ឈ្មោះ រឿន វាន្នី អាយុ៤១ឆ្នាំ ជនជាតិខ្មែរ មុខរបរ ជាងម៉ាស៊ីនផ្សាដែក ក្នុងការដ្ឋាន មានស្រុកកំណើត ភូមិទួលជ្រៃ ឃុំសំពៅលូន ស្រុកសំពៅលូន ខេត្តបាត់ដំបង បច្ចុប្បន្ន ស្នាក់នៅ ការដ្ឋានខាងលើ ។

ក្រោយពីកម្លាំងជំនាញពិនិត្យនឹងធ្វើកោសល្យវិច័្ចយរួច សាកសពត្រូវបានប្រគល់ជូនប្រពន្ធ ឈ្មោះ ផែ អៀង យកទៅធ្វើបុណ្យតាមប្រពៃណី នៅស្រុកកំណើត៕

@Amapapa.News

Feature Ads