ស្ទឹងត្រែង: នៅព្រឹក ថ្ងៃទី៣០ ខែមិថុនា ឆ្នាំ២០១៨នេះ នគរបាលប្រឆាំងបទល្មើសសេដ្ឋកិច្ចខេត្ត សហការណ៍ជាមួយជំនាញមេព្រៃខេត្តបានចុះធ្វើការឡោមព័ទ្ធស្ទាក់ចាប់រថយន្តសាំយ៉ុងដឹកគ្រឿងទ្វារបង្អួច ១គ្រឿង ខណៈបើករត់ចូលការ៉ាស់សាំងមួយកន្លែងយីហោ(ប៉ាវ ចិន្តា)ស្ថិតក្នុងក្រុងស្ទឹងត្រែង។
ជំនាញបានអោយដឹងថា:ឈើនៅលើរថយន្តដែលបង្ក្រាបបានខាងលើគឺជាឈើប្រភេទលេខ២ ជ្រាកធ្វើជាគ្រឿងទ្វារនិងបង្អួចជិតពេញរថយន្ត ដែលមានចំនួនស្មើនឹង ២ម៉ែត្រគូប។
បច្ចុប្បន្ន រថយន្តដឹកឈើខាងលើត្រូវបាននគរបាលសេដ្ឋកិច្ចប្រគល់ជូនជំនាញរួចរាល់ហើយ៕
