Friday, June 22, 2018

ស្លាប់ខ្មែរ៣នាក់ ជនបរទេស១នាក់ និងរបួសធ្ងន់ស្រាល៨នាក់ ក្នុងករណីក្រឡាប់រថយន្ត

Tags

ដោយ៖ វាសនា

តាកែវ៖រថយន្តធន់ធ្ងន់ម៉ាកហ៊ីយ៉ុនដាយ១គ្រឿង បានក្រឡាប់ដោយខ្លួនឯង ដោយថៅកុងឡានងងុយ បានបណ្ដាលឲ្យមនុស្ស ៣នាក់ស្លាប់ ជនជាតិខ្មែរ២នាក់ ជនជាតិអូស្រ្តាលី និងរបួស ធ្ងន់ស្រាល ៨នាក់ ស្រី៣នាក់។

បើយោងតាម លោកវេរសេនីយឯក ឌុក ធីយ៉ា អធិការស្រុកត្រាំកក់ បានឲ្យ ដឹងថាកាលពីរសៀលថ្ងៃទី ២២ ខែមិថុនា ឆ្នាំ២០១៨ មានគ្រោះថ្នាក់ចរាចរណ៍ បានបង្កឡើងដោយរថយន្តហ៊ីយ៉ុន​ ពាក់ស្លាកលេខ 3B-0628 បើកបរមកពីទិសខាង លិច លុះមកដល់កន្លែងកើតហេតុ បានបើកបរក្រឡាប់ដោយខ្លួនឯង នៅលើផ្លូវ ជាតិលេខ៣ ចន្លោះគីឡូម៉ែត្រលេខ ៨៤-៨៥ ស្ថិតនៅភូមិកំសី ឃុំញ៉ែញ៉ង ស្រុក ត្រាំកក់ ខេត្តតាកែវ គឺបណ្ដាលមកពីថៅកុងឡាន បើកបរងងុយដេក និងបណ្ដាលឲ្យ មនុស្សស្លាប់៣នាក់ ក្នុងនោះជនជាតិបរទេស១នាក់ ១-ឈ្មោះ សុក រ៉ា អាយុ៣៩ឆ្នាំ ជនជាតិខ្មែរ ភេទប្រុស ស្នាក់នៅរាជធានីភ្នំពេញ ២-ឈ្មោះ កូ លីណា ជនជាតិខ្មែរ ភេទស្រី អាយុជាង៣០ឆ្នាំ ៣-ឈ្មោះ ឡូ រ៉ា ភេទស្រី អាយុ៣៥ឆ្នាំ ជនជាតិអូស្រ្តាលី  និងមនុស្សប្រុសស្រី ៨នាក់ផ្សេងទៀត រងរបួសធ្ងន់ស្រាល បានបញ្ជូនមកពិនិត្យ ព្យាបាលនៅមន្ទីរពេទ្យ បង្អែកខេត្តតាកែវ។

ក្រោយពេលកើតហេតុ កំម្លាំងជំនាញនៃអធិការដ្ឋាននគរបាលស្រុក ត្រាំកក់ បានចុះទៅដល់ រកមិនឃើញថៅកុងឡាន បានរត់គេចខ្លួនបាត់ បានបន្សល់ទុកនៅ មនុស្សស្លាប់ របួស និងរថយន្តក្រឡាបប៉ុណ្ណោះ។ បច្ចុប្បន្ននេះវត្ថុតាងត្រូវបានយក មករក្សាទុកនៅអធិការដ្ឋាននគរបាលស្រុក ដើម្បីចាត់បន្តទៅតាមនីតិវិធីច្បាប់ រីឯសព ជនរងគ្រោះកំម្លាំងជំនាញកំពុងស្វែងរកសាច់ញាតិ ដើម្បីយកទៅធ្វើបុណ្យតាម ប្រពៃណី៕

@Amapapa.News

Feature Ads