ភ្នំពេញ៖ នៅថ្ងៃទី១៩ ខែមិថុនា ចំណុចកន្ទុយនាគ សង្កាត់លេខ៤ ក្រុងព្រះសីហនុ មានករណីគ្រោះថ្នាក់ចរាចរណ៍ ដោយរថយន្ដដឹកកម្មករ បើកបរក្នុងល្បឿនលឿន បានជ្រុល ក្រឡាប់ធ្លាក់ចូលឆ្នេរសមុទ្រ បណ្តាលឱ្យរបួសចំនួន២១នាក់។
បើតាមលោក ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ថ្លែងថា គ្រោះថ្នាក់ចរាចរនេះកើតឡើង ដោយសាររថយន្តដឹកកម្មករសំណង់មួយគ្រឿងម៉ាក KIA ពណ៌ស ពាក់ផ្លាកលេខ ភ្នំពេញ 2V-2043 បើកបរដោយឈ្មោះ ទូច ណារាង ភេទប្រុស អាយុ៣៥ឆ្នាំ មានទិសដៅពី ចុង អារីស្តុន ឆ្ពោះមកសណ្ឋាគារសុខា ។
ស្រាប់តែមកដល់ចំណុចកើតហេតុ ដោយស្ថានភាពផ្លូវកោង ចុះ ចំណោទរថយន្តមានល្បឿនលឿន ហ្រ្វាំង មិនស៊ី ផងនោះ ក៍បានជ្រុលចង្កូតឡើង លើសួនច្បារបណ្តាលឱ្យក្រឡាប់ ចូលទៅឆ្នេរសមុទ្រតែម្តង ៕
កម្មកររងរបួស