Monday, June 4, 2018

ខេត្តព្រះសីហនុ ប្រើសម្តីមាសសម្តេច ហ៊ុន សែន ដើម្បីអប់រំប្រជាពលរដ្ឋ ខណៈជិតដល់ការបោះឆ្នោត

រិទ្ធី

គណៈកម្មាធិការជាតិរៀបចំបុណ្យជាតិ-អន្តរជាតិ ក៏ដូចជាក្រសួង ស្ថាប័ន អាជ្ញាធរ តែងតែដំឡើង​ផ្ទាំង​ប៉ាណូ ដាក់​ព្រះឆាយាល័ក្ខណ៍ ព្រះមហា​ក្ស​ត្ស សម្តេចព្រះ​វ​រាជ​មាត​តា​ជាតិខ្មែរ ឬ​ថ្នាក់​ដឹក​បក្ស និង​បដា​នានា​ នៅគ្រប់​ព្រឹត្តិការណ៍​ បុណ្យទាន​ធំៗ ពិសេស​ពេល​ជិត​ដល់​បោះឆ្នោត ដើម្បី​ជាការ​ផ្សព្វផ្សាយ និង​លម្អ​។

​ចំណែកឯ ខេត្ត​ព្រះសីហនុ​ដែលនឹងក្លាយជាតំបន់សេដ្ឋកិច្ចពិសេសពហុបំណង បាន​ដាក់តាំង​រូប​ព្រះឆាយាល័ក្ខណ៍ និង​បដា​ផ្សេងៗ តែ​ចំណុច​ដែល​គួរឱ្យកត់សម្គាល់ មាន​លក្ខណៈ​ប្លែក​ពី​គេ​បន្តិច គឺបានប្រើប្រាស់​សំដី​មាស​របស់​      សម្តេច​ ហ៊ុន សែន នាយករដ្ឋមន្ត្រី លើក​ជា​ផ្ទាំង​ប៉ាណូ​ធំៗ ដាក់​តាម​ទីសាធារណៈ​សំខាន់ៗ ដើម្បី​អប់រំ​សាធារណជនផង និងលម្អក្រុងផង​។ 

សារ​អប់រំ​សំខាន់ៗ​៤​ឃ្លា ដែលជា​សំដី​មាស​របស់​សម្តេច​តេ​ជោ​ហ៊ុនសែន ដែលមាន​អត្ថន័យ ដូចខាងក្រោម៖

​សារ​ទី​១៖ ​ទម្លាប់​ហ្មត់ចត់លើ​កិច្ចការ​តូចតាច ទើប​អាចមាន​ឱកាស​ទទួល​កិច្ចការ​ធំ​បាន។ ​សារ​ទី​២៖ ​មន្ត្រី​គឺជា​អ្នកបម្រើ​រាស្ត្រដ៏​ស្មោះត្រង់ ! មិនមែនជា​ចៅហ្វាយនាយ​ទេ​។ ​សារ​ទី​៣៖ ​ខ្ញុំ​ធ្វើ​នយោបាយមិនមែន​គ្រាន់តែ​បក្ស​ខ្ញុំ​ឈ្នះ​នោះទេ តែ​សំខាន់​ជាតិ​យើង​ឈ្នះគឺ​យើង​ឈ្នះ​ទាំងអស់គ្នា។ ​សារ​ទី​៤៖ ​កត្តា​សន្តិភាពបានធ្វើ​ឲ្យ​ប្រជាពលរដ្ឋ អាចធ្វើ​ដំណើរ​គ្រប់​ទីកន្លែង ដោយ​មិនមានការភ័យខ្លាច។

@Amapapa.News

Feature Ads