Monday, June 4, 2018

រឿងមិនគួរឲ្យជឿ ពេលនេះកើតឡើងហើយ! អង្គុយសុខៗ ផ្ទុះ​បូម​កៅអី ការិយាល័យ បណ្តាលឲ្យ​រងរបួស​ធ្ងន់

អាម៉ាប៉ាប៉ាញ៉ូស

បាត់ដំបង ​៖ នៅ​ថ្ងៃទី ៤ ខែមិថុនា ឆ្នាំ​២០១៨ វេលា​ម៉ោង ៨ និង ៣០ នាទី ព្រឹក ​មានហេតុការណ៍ដ៍កម្រ និងនឹកស្មានមិនដល់មួយបាន បុគ្គលិក​ក្រុមហ៊ុន​ម្នាក់ បាន​រងរបួស​ជា​ទម្ងន់ ដោយបាន​បញ្ជូន​ទៅកាន់​មន្ទីរពេទ្យបង្អែក​ខេត្ត ដើម្បី​សង្គ្រោះ​ ខណៈ​ដែល​ជនរងគ្រោះ​ កំពុង​អង្គុយ​ធ្វើការ​នៅក្នុង​ការិយាល័យ ហើយ​បាន​បង្វិល​កៅអី​បន្តិច​ ស្រាប់តែ​បូម​ខាងក្រោម​បាន​ផ្ទុះឡើង​តែម្តង​ បណ្តាលឲ្យ​បំណែក​កៅអី​ខ្ទាត​ត្រូវ​ត្រង់​គ្រាប់ភ្នែក​ខាងឆ្វេង បង្ក​នូវ​ការ​ភ្ញាក់ផ្អើល​យ៉ាងខ្លាំង ត្រង់ចំណុច​ភូមិ​ថ្មគោល​ត្បូង ឃុំ​តាពូង ស្រុក​ថ្មគោល​ខេត្តបាត់ដំបង ក្នុង​ស្តង់​លក់​ម៉ូតូ​យីហោ ហ៊ុយ ហួ​ក ។

ជនរងគ្រោះខាងលើ ជាបុគ្គលិក​ក្រុមហ៊ុន​ មានឈ្មោះ យ៉ាន លី​ហូ​វ ភេទ​ប្រុស អាយុ ២១ ឆ្នាំ​ មាន​ទីលំនៅ​ភូមិ​ក្បាល​ខ្មោច ឃុំ​ជ្រៃ ស្រុក​ថ្មគោល ខេត្តបាត់ដំបង ។ ភ្លាមៗ​នោះ ខាងក្រុមហ៊ុន​បាន​បញ្ជូន​ជនរងគ្រោះ​ទៅកាន់​មន្ទីរពេទ្យបង្អែក​ខេត្ត ដើម្បី​សង្គ្រោះ ។

ទាក់ទិននឹងបញ្ហា​នេះ​ដែរ គេ​នៅ​មិនទាន់បាន​ស្គាល់​ម៉ាក​កៅអី​នេះ​នៅឡើយ​ទេ ព្រោះដោយសារ​តែ​ការផ្ទុះ​បូម​នេះ​វា​ដូចជា​ងាយ​ពេក និង​ធ្វើឲ្យ​អ្នកដទៃ​ ស្ទើរតែ​មិន​ហ៊ាន​អង្គុយ​តទៅទៀត ដូច្នេះសូមប្រុងប្រយ័ត្នទាំងអស់គ្នា៕

@Amapapa.News

Feature Ads