Friday, June 22, 2018

សរសេររឿងពិបាកចិត្ត ទុកឲ្យកូនចៅរួចរាល់ លោកតាម្នាក់ សម្រេចចិត្តបញ្ចប់ជីវិត លាចាកលោក

អាម៉ាប៉ាប៉ាញ៉ូស

កណ្តាលៈ បុរសចំណាស់ម្នាក់ បន្ទាប់ពី​សរសេរបណ្តាំរៀបរាប់ពីបញ្ហាគ្រួសារទុកឲ្យកូនចៅ​មើលរួច ក៏សម្រេចចិត្តចងកបញ្ចប់ជីវិតខ្លួនឯង គ្មានស្ដាយស្រណោះ។

ហេតុការណ៍ដ៏សោកសៅនេះ​ បានកើតឡើងនៅម៉ោង៦ព្រឹកថ្ងៃព្រហស្បតិ៍ ៩កើត ខែបឋមាសាធ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២១ ខែ មិថុនា ឆ្នាំ២០១៨ នៅចំណុចផ្ទះជនរងគ្រោះ ភូមិដើមមៀន សង្កាត់ដើមមៀន  ក្រុងតាខ្មៅ ខេត្តកណ្តាល។

អធិការក្រុងតាខ្មៅ លោក ស កែវពិសិដ្ឋ បានឲ្យ​ដឹងថា លោកតា ដែលធ្វើអត្តឃាតនោះ ឈ្មោះ សៀក សារុំ អាយុ៦១ឆ្នាំ មានទីលំនៅភូមិ ដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល។

តាមការរៀបរាប់ពី​ឈ្មោះ សុខ ឡុង ភេទប្រុស អាយុ៦០ឆ្នាំ ត្រូវជាប្អូនថ្លៃ រស់នៅជាមួយជនរងគ្រោះបានឲ្យ​ដឹងថា នៅថ្ងៃទី ២០ មិថុនា ២០១៨ វេលាម៉ោង១០និង៣០នាទីយប់ គាត់នឹងកូនប្រុសឈ្មោះ សុខ ចន្ទ័ដារិទ្ធ ឮសំឡេងផ្ទះលាន់ក្តាំង ហើ​យគាត់ពីរនាក់កូន ក៏ចេញបើកទ្វាររបងផ្ទះមិនឃើញមានអ្វីប្លែក ក៏នាំគ្នាចូលផ្ទះដេកវិញទៅ។ លុះព្រឹកឡើងថ្ងៃទី ២១ មិថុនា ២០១៨ វេលាម៉ោង៦ព្រឹក គាត់ (ប្អូនថ្លៃ) នឹងក្រុមគ្រួសារបានចេញពីផ្ទះទៅប្រកបមុខរបររៀងៗខ្លួន រហូតដល់ម៉ោង ៦ល្ងាច ក៏ត្រឡប់មកផ្ទះវិញចូលទៅផ្ទះបាយមិនឃើ​ញជនរងគ្រោះមកហូបបាយ ដែលគ្របទុកឲ្យ​តាំងពីព្រឹក ទើ​បមានការសង្ស័យ គាត់នឹងកូនប្រុសក៏ទៅបើ​កទ្វារបន្ទប់ជនរងគ្រោះ ស្រាប់តែឃើ​ញជនរងគ្រោះ ដេកផ្កាប់មុខចងាកល់ទៅនិងកៅអីឈើ ពេលនោះបានលូកដៃទៅស្ទាបជើងជនរងគ្រោះ មានសភាពរឹង ទើប​ដឹងថា ជនរងគ្រោះបានស្លាប់បាត់ទៅហើយ ក៏ស្រែកហៅបងស្រីបង្កើតជួយ និងជូនដំណឹងទៅប្រធានភូមិ ក៏បានរាយការណ៍ជូនសមត្តកិច្ចចុះធ្វើការពិនិត្យ។

តាមការពិនិត្យរបស់សមត្ថកិច្ច ជំនាញបច្ចេកទេសខេត្តកណ្តាល និងនគរបាលផ្នែកពិនិត្យវិភាគកន្លែងកើតហេតុក្រុងតាខ្មៅ ព្រមទាំងអាជ្ញាធរ លោកគ្រូពេទ្យ បានសន្និដ្ឋានថា ជនរងគ្រោះពិតជាបានស្លាប់ដោយសារចងកពិតប្រាកដមែន ដោយមិនបានពាក់ពន្ធ័បទល្មើសផ្សេងឡើយ ខណៈ​ជនរងគ្រោះបាន​សរសេរលិខិតបណ្ដាំ​ទុក មុនពេលធ្វើអត្តឃាត ។

ការពិនិត្យចប់សព្វគ្រប់ សាកសពត្រូវបានប្រគល់ឲ្យ​ក្រុមគ្រួសារយកទៅធ្វើបុណ្យតាមប្រពៃណី៕

@Amapapa.News

Feature Ads