Saturday, June 2, 2018

រថយន្តកុងតឺន័រក្រុមហ៊ុនផែស្ងួត ហុង ឡេងហួរ ចតចោលបញ្ច្រាសផ្លូវ ត្រូវបុរសម្នាក់ ជិះម៉ូតូទៅបុក រងរបួសធ្ងន់

អាម៉ាប៉ាប៉ាញ៉ូស

ភ្នំពេញៈ បុរសម្នាក់ ​ជិះម៉ូតូ Scoopy ទៅបុករថយន្ត​កុងតឺន័រ ហុង​ ឡេងហួរ ​​ដែលចតបញ្ច្រាសទិសទុកចោលលើផ្លូវ ដោយមិនដាក់សញ្ញាសម្គាល់ត្រឹមត្រូវ ​បណ្ដាលឲ្យរងរបួសដៃធ្ងន់ និងសន្លប់ស្ដូកស្ដឹង​។ គ្រោះថ្នាក់ចរាចរណ៍នេះ កើតឡើងនៅ​វេលាម៉ោង១១៖៣០នាទីយប់ ថ្ងៃសុក្រ ៣រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១ ខែឧសភា ​ឆ្នាំ​២០១៨នេះ តាម​មហាវិថី​កម្ពុជា​ក្រោម ស្ថិតក្នុងសង្កាត់​ទឹក​ល្អក់១ ខណ្ឌ​ទួលគោក រាជធានីភ្នំពេញ។

សាក្សីឃើញហេតុការណ៍ផ្ទាល់ ប្រាប់ឲ្យភ្នាក់ងារ CAM POST​ ឲ្យដឹងថា នៅមុនពេលកើតហេតុ​ គេឃើញរថយន្តកុងទីន័រមួយគ្រឿង​ ពាក់ស្លាកលេខ ភ្នំពេញ​ 3B-4879 ជារបស់ក្រុមហ៊ុន​ ហុង​ ឡេងហួរ បានមកឈប់ចតចោលដោយបញ្ច្រាសផ្លូវកម្ពុជាក្រោម ដោយមិនបានសុំផ្លូវ ឬដាក់សញ្ញាត្រឹមត្រូវឡើយ។ លុះនៅវេលាកើតហេតុខាងលើ​ ស្រាប់តែមានបុរសម្នាក់ ​ជិះម៉ូតូមួយគ្រឿង​ម៉ាក ហុងដា ស្កុបពី ពណ៌ផ្កាឈូកលាយស ពាក់ស្លាកលេខ ភ្នំពេញ​ 1BV-1372 ទៅបុករថយន្ត​កុងតឺន័រនោះ ចំពីមុខពេញទំហឹង ​បណ្ដាលឲ្យរងរបួសដៃធ្ងន់ធ្ងរសន្លប់ស្ដូកស្ដឹងងតែម្ដង។ ឃើញដូច្នេះ​ តៃកុងរថយន្តក៏បានឡើងលើរថយន្ត រួចចុចភ្លើងសុំផ្លូវវិញ។

ក្រោយពេលកើតហេតុ ដោយមិនឃើញមានសមត្ថកិច្ចចុះទៅកន្លែងកើតហេតុនោះ ទើបបុរសរងគ្រោះសុំឲ្យភាគីខាងរថយន្តជួយចេញថ្លៃមើលរបួស និងសងថ្លៃខូចខាតម៉ូតូប៉ុណ្ណោះ តែតៃកុងរថយន្តប្រាប់ថា រង់ចាំខាងក្រុមហ៊ុន​ធានារ៉ាប់រង ចុះមកជួយសងតាមសភាពខូចខាត និងរបួសជាក់ស្ដែង៕

វីដេអូ ៖

@Amapapa.News

Feature Ads