បាល់ទាត់ៈ ក្រុមបាល់ទាត់ជម្រើសជាតិនារីកម្ពុជា បានធ្វើដំណើរចេញទៅប្រកួតជើងឯកប្រចាំតំបន់អាស៊ាន AFF Women's Championship 2018 នឹងធ្វើឡើងនៅប្រទេសឥណ្ឌូណេស៊ី នៅម៉ោង៨ព្រឹក ថ្ងៃព្រហស្បត្តិ៍ ទី២៨ ខែមិថុនា ឆ្នាំ២០១៨នេះ នៅច្រកអាកាសយន្តដ្ឋានអន្តរជាតិភ្នំពេញ ។
កីឡាការិនីទាំង២៣ ដែលបានធ្វើដំណើរទៅប្រកួតរួមមាន៖ ពឿន គន្ធា, ហួត គឹមហុង, បាន ជាវៃ, សេនដ្រា ហៀល, មូល រស្មីផែ, កែប ទាន់សម័យ, លឹម សុជា, ហ៊ិន ស្រីអូន, ឆន ស្រីនិត, ជា សម្ឆស្ស, យ៉ិន យើន, ភឺន ស្រីល័ក្ខ, ស៊ិន ស្រីនាត, ឌី សុធា, កយ មួយកញ្ញា, ពេជ្រ យូឈុនអ៊ី, សំរ៉ិត និមល, ហ៊ា ស្រី ឡាស់, នន មិនា, ភឿ ធូ, គឹម ចាន់ថេត, តាំង មករា, ចាយ ស្រីលាប។ ក្រុមនេះដឹកនាំដោយលោក មាស សំអឿន ជាគ្រូបង្វឹក ។
ពានរង្វាន់ AFF Women's Championship 2018 នឹងធ្វើឡើងនៅប្រទេសឥណ្ឌូណេស៊ី ខណៈក្រុមកម្ពុជា ស្ថិតក្នុងពូល A ជាមួយថៃ អូស្រ្តាលី ម៉ាឡេស៊ី ទីម័រខាងកើត ហើយពូល B មានវៀតណាម មីយ៉ាន់ម៉ា ហ្វីលីពីន សិង្ហបុរី និងម្ចាស់ផ្ទះឥណ្ឌូណេស៊ី។ តាមគម្រោងការប្រកួតធ្វើឡើងចាប់ពីថ្ងៃទី៣០ ខែមិថុនា ឆ្នាំ២០១៨ ដល់ថ្ងៃទី១៣ ខែកក្កដា ឆ្នាំ២០១៨ លើទីលានកីឡដ្ឋាន Jakabaring Stadium ក្នុងទីក្រុងPalembang៕
