បាត់ដំបងៈ កុមារីអាយុ៨ឆ្នាំ ត្រូវជនល្មោភកាមអាយុជា៥០ឆ្នាំ ចាប់រំលោភ សេពសន្ថវៈ តែក្រោយមកជននោះ ត្រូវសមត្ថកិច្ចឃាត់ខ្លួន តាមពាក្យបណ្តឹង កាលពីថ្ងៃទី១៧ ខែមិថុនា ឆ្នាំ២០១៨។
កុមារី រងគ្រោះ ឈ្មោះ សណល អាយុ៨ឆ្នាំ ចំណែកជនសង្ស័យ ឈ្មោះ សូ ឌី អាយុ៥៣ឆ្នាំ មានទីលំនៅ ភូមិដូង ឃុំបឹងរាំង ស្រុកកំរៀង ខេត្តបាត់ដំបង។
យោងតាមរបាយការណ៍ លោក គឹម ពន្លក អធិការស្រុក កំរៀង បានអោយដឹងថា៖ បន្ទាប់ពី ទទួលបានពាក្យបណ្តឹង ពីឈ្មោះ កូយ ហ៊ួន ភេទស្រី អាយុ៤៣ឆ្នាំរស់នៅ ក្រុមទី៥ភូមិដូង ឃុំបឹងរាំង ស្រុកកំរៀង ខេត្តបាត់ដំបងរួចមក កម្លាំងជំរុញនៃអធិការស្រុកកំរៀង បានចុះ ប្រតិបត្តិការ នាំខ្លួនជនសង្ស័យ ឈ្មោះ សូឌី កំពង់រងការចោទប្រកាន់ពីបទរំលោភសេពសន្ថវៈ លើអនិតិជននាំខ្លួនមក សួរនាំ និងកំពុងបន្តសំណុំរឿងបណ្ជូនមកសាលាដំបូងខេត្តបាត់ដំបង៕
