header ads

Sponsor

អាម៉ាប៉ាប៉ាញ៉ូស

ប៉ៃលិនៈ ស្រ្តីជាង៥០ឆ្នាំម្នាក់ បានរងរបួសបាក់ដៃឆ្វេង ខណៈកំពុង​ជិះម៉ូតូ ត្រូវរថយន្តមួយគ្រឿងបើកដោយជនជាតិថៃបុកក្នុងទិសដៅសញ្ច្រាសគ្នា កាលពីម៉ោង៩៖១៤នាទីព្រឹក ថ្ងៃសុក្រ ៣រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១ ខែមិថុនា ឆ្នាំ២០១៨ នៅចំណុចជិតវត្តព្រំគីរីមកត៌ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ស្រ្តី​រងគ្រោះឈ្មោះ សិទ្ធិ ពៅ អាយុ៥៤ឆ្នាំ  មុខរបបលក់ដូរ មានទីលំនៅក្នុងភូមិអូប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ជិះ​ម៉ូតូម៉ាកហុងដា សេ១២៥ ផលិត​ឆ្នាំ២០១៨ ពណ៌ខ្មៅ គ្មានស្លាកលេខ។ ចំណែករថយន្តបង្កម៉ាកម៉ាសស្តា (Mazda) ពណ៌ទឹកប៊ិច ពាក់ស្លាក​លេខ ចាន់បូរី ៤០៦៥ បើកបរដោយ​ឈ្មោះ ប្រាក់ កាត់ ភេទប្រុស អាយុ ៥៩ឆ្នាំ ជនជាតិថៃ មុខរបរអាជីវករ (ចូលដីថ្មី) មានប្រពន្ធឈ្មោះ ជិត សុខគុណ​ អាយុ​​៤២ឆ្នាំ​ មុខរបបមេផ្ទះ​ អ្នក​ទាំង​ពីរ​រស់នៅ​ភូមិឃុំកើតហេតុខាងលើ។

សាក្សីនៅកន្លែងកើតហេតុបានឱ្យដឹងថា មុនពេលកើតហេតុគេឃើញមានភាគីរថយន្តបើកបរយ៉ាងលឿនពីកើតទៅលិច លុះដល់កន្លែងកើតហេតុ ក៏ស្រាប់តែបុកជាមួយម៉ូតូស្រ្តី​រងគ្រោះ ដែលជិះពីលិចទៅកើតពីក្រោយពេញមួយទំហឹង បណ្តាលឱ្យភាគីខាងម៉ូតូរងរបួស បាក់ដៃម្ខាង។

ក្រោយកើតហេតុភ្លាមៗនោះ សមត្ថកិច្ចជំនាញបាន ចុះទៅដល់កន្លែងកើតហេតុ  រួចបានវាស់វែង រួចយករថយន្ត និងម៉ូតូទៅកាន់អធិការដ្ឋានក្រុងប៉ៃលិន រង់ចាំការដោះស្រាយនៅពេលក្រោយ។ ចំណែកស្រ្តី​រងគ្រោះត្រូវបាន​ក្រុមគ្រួសារយកទៅកាន់មន្ទីរពេទ្យ ដើម្បីជួយសង្គ្រោះ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post