Thursday, June 14, 2018

ស្រីស្រស់ស៊ិចស៊ីម្នាក់ បើករថយន្តកាមរី បុករថយន្តតាក់ស៊ី ពេញទំហឹងនៅផ្លូវបែកជាបួន ខ្ទេចទាំងសងខាង

<
អាម៉ាប៉ាប៉ាញ៉ូស

ភ្នំពេញៈ ប្រុសស្រី៣នាក់ ជិះរថយន្ដកាមរីហាយប៊្រីតមួយគ្រឿង ក្នុងស្ថានភាពស្រវឹងក្នុងល្បឿនលឿនមិនប្រយ័ត្ន ដល់ចំណុចផ្លូវបំបែកជាបួនក៏ជ្រុលបុករថយន្ដ CRV មួយគ្រឿងទៀត បណ្ដាលឲ្យរថយន្ដទាំងពីរ រងការខូចខាតផ្នែកខាងមុខយ៉ាងដំណំ តែសំណាងល្អ​មិនបង្កឲ្យមានមនុស្សរងរបួសនោះទេ។

គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១៖៣០នាទីរំលងអធ្រាត្រ ឈានចូលថ្ងៃព្រហស្បត្តិ៍ ២កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៤ ខែមិថុនា ឆ្នាំ២០១៨ នៅចំណុចផ្លូវបំបែកជាបួន ត្រង់ផ្លូវលេខ៥១ កែងផ្លូវលេខ១៧៨ ស្ថិក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។

សាក្សីឃើញហេតុការណ៍ផ្ទាល់ ប្រាប់ភ្នាក់ងារសារព័ត៌មាន​ CAM​ POST ថា នៅមុនពេលកើតហេតុ គេបានឃើញរថយន្ដម៉ាក កាមរីហាយប៊្រីត មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2W-1011 ធ្វើដំណើរដោយបុរសនារី៣នាក់ ស្ថិតក្នុងស្ថានភាពស្រវឹងតាមបណ្ដោយផ្លូវលេខ១៧៨ ទិសដៅពីកើតទៅលិចក្នុងល្បឿងយ៉ាងលឿន។ លុះពេលមកដល់ចំណុចផ្លូវបំបែកជាបួន ដោយសាររថយន្ត កាមរីហាយប៊្រីត មិនបន្ថយល្បឿន ក៏ជ្រុលបុករថយន្ដម៉ាក CRV ដែលជារថយន្តតាក់ស៊ី ពណ៌ទឹកប្រាក់ ពាក់ស្លាកលេខ ភ្នំពេញ 2R-8479 ធ្វើដំណើរតាមបណ្ដោផ្លូវលេខ៥១ ទិសដៅពីជើងទៅត្បូង បណ្ដាលឲ្យរថយន្ដទាំង២ រងការខូចខាតផ្នែកខាងមុខស្ទើរទាំងស្រុង តែសំណាងល្អមិនបណ្ដាលឲ្យមានអ្នករងរបួសនោះទេ។

បើតាមសម្ដីនារីរូបស្រស់ និងស៊ីចស៊ីម្នាក់ បានរៀបរាប់ប្រាប់ភ្នាក់ងារ CAM POST ថា រូបនាងជាអ្នកបើកបររថយន្ត និងមានមិត្តភ័ក្តប្រុសស្រី២នាក់ទៀត​ រួមដំណើរជាមួយ ដោយបានធ្វើដំណើរតាមបណ្ដោយផ្លូវលេខ១៧៨ ពីកើតទៅលិចក្នុងល្បឿងលឿន តែពេលមកដល់ចំណុចផ្លូវបំបែកជាបួននោះ រូបនាងមិនបានបន្ថយល្បឿនទេ ក៏ស្រាប់តែមានរថយន្ត​ CRV នោះបើកចេញមក ទើបនាងព្យាយាមកាច់ចង្កូតគេចដែរ តែគេចមិនផុតក៏ជ្រុលទៅបុកចំរថយន្តខាងមុខពេញទំហឹងតែម្ដង។

ក្រោយពេលកើតហេតុ ភាគីទាំងសងខាង បានប្រកែកយកត្រូវរៀងៗខ្លួន អស់រយៈពេលយ៉ាងយូរ តែដោយមានការសម្របសម្រួលពីសមត្ថកិច្ច និងណែនាំប្រាប់ខ្លះៗ ទើបភាគីខាងរថយន្ដ កាមរី ព្រមយករថយន្ដ CRV ទៅជួលជុលឲ្យទាំងស្រុងឡើងវិញ ដើម្បីបញ្ចប់រឿង៕

@Amapapa.News

Feature Ads