នៅថ្ងៃអង្គារ (នៅសហរដ្ឋអាមេរិក) ត្រូងនឹងថ្ងៃទី១៣ ខែមិថុនា ឆ្នាំ២០១៨ ម៉ោងនៅកម្ពុជា សហរដ្ឋអាមេរិកបានសម្រេចដាក់ទណ្ឌកម្មលោកនាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរងនៃកងយោធពលខេមភូមិន្ទ និងជាមេបញ្ជាការនៃបញ្ជាការដ្ឋានអង្គរក្សរបស់សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយសារតែការរំលោភសិទ្ធិមនុស្សធ្ងន់ធ្ងរ និងវាយប្រហារលើជនរងគ្រោះជាច្រើនក្នុងនោះមានពលរដ្ឋអាមេរិកម្នាក់ផងដែរ។
សេចក្តីប្រកាសក្រសួងរតនាគាររបស់សហរដ្ឋអាមេរិក (គឺច្បាប់ global manage ski ដែលលោកប្រធានាធិតី ចុះហត្ថលេខាបន្ថែមនៅថ្ងៃទី២០ ខែធ្នូ ឆ្នាំ២០១៧) សរសរថា៖ លោក ហ៊ីង ប៊ុនហៀង និងបញ្ជាការដ្ឋានអង្គរក្សមានជាប់ព័ន្ធនឹងឧបទ្ទវហេតុជាច្រើនដែលក្រុមយោធាបានប្រើប្រាស់ដើម្បីគំរាមកំហែងបាតុករនិងគណបក្សប្រឆាំង តាំងពីឆ្នាំ១៩៩៧មក ក្នុងនោះមានការគប់គ្រាប់បែក ពលរដ្ឋអាមេរិកម្នាក់បានរងរបួស។
សេចក្តីប្រកាសក្រសួងរតនាគាររបស់សហរដ្ឋអាមេរិកបន្ថែមថា៖ បញ្ជាការដ្ឋានអង្គរក្សរបស់សម្តេច ហ៊ុន សែន មានជាប់ពាក់ព័ន្ធនឹងការវៃប្រហារជាច្រើនមកលើពលរដ្ឋកម្ពុជាដែលគ្មានអាវុធ ក្នុងនោះមានការវៃប្រហារនៅជិតវត្តឆ្នាំ ២០១៣ និងឆ្នាំ២០១៥ នៅរដ្ឋសភាជាតិកម្ពុជា គឺការវៃសមាជិកសភាគណបក្សប្រឆាំង លោក គង់ សុភា និង លោកញយ ចំរើន។
សេចក្តីប្រកាសនេះបញ្ជាក់ថា៖ ការដាក់ទណ្ឌកម្មជាផ្នែកមួយ នៃការធ្វើយុទ្ធនាការដើម្បីឱ្យមន្ត្រីរដ្ឋាភិបាលមួយចំនួន ឱ្យទទួលខុសត្រូវចំពោះការរំលោភសិទ្ធិមនុស្ស និងអំពើពុករលួយនានា។ នរណាដែលទទួលទណ្ឌកម្មនេះ ទ្រព្យសម្បត្តិរបស់បុគ្គលនេះនៅអាមេរិកត្រូវបង្កកមិនឱ្យដាក់ដូរអ្វីទាំងអស់ ហើយក៏ហាមប្រជាពលរដ្ឋអាមេរិកកាំងមិនឱ្យទាក់ទងជាមួយទៀតផង។
សូមបញ្ជាក់ថា៖ មន្ត្រីជាន់ខ្ពស់គណបក្សប្រជាជនកម្ពុជា ជាអគ្គមេបញ្ជាការរងនៃកងយោធពលខេមភូមិន្ទ ហើយត្រូវបានបញ្ចូលជាសមាជិកនៃគណៈកម្មាការកណ្តាលគណបក្សប្រជាជនកម្ពុជា កាលពីឆ្នាំ២០១៥។