Sunday, July 22, 2018

រន្ធត់ណាស់! ក្មេងស្រីអាយុ៦ឆ្នាំ រត់ឆ្លងផ្លូវ ត្រូវរថយន្តមិនស្គាល់ម៉ាក បុកស្លាប់

ពិសី

ព្រៃវែងៈ ក្មេងស្រីអាយុ៦ឆ្នាំម្នាក់ រត់ឆ្លងកាត់ផ្លូវ ត្រូវរថយន្តមិនស្គាល់ម៉ាកមួយគ្រឿងបុកពេញទំហឹង ស្លាប់មួយរំពេចនៅនឹងកន្លែងកើតហេតុ។

គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង៥៖៥០នាទីព្រលប់ថ្ងៃទី២១  ខែកក្កដា ឆ្នាំ២០១៨ លើផ្លូវលំក្រាលកៅស៊ូ  ស្ថិតក្នុង​ភូមិគ  ឃុំព្រៃស្រឡិត ស្រុកពារាំង ខេត្តព្រៃវែង។

ក្មេងស្រី​រងគ្រោះឈ្មោះ  ហៀង ថាវី អាយុ៦ឆ្នាំ ជន​ជាតិខ្មែរ រស់​នៅភូមិគ​​ ឃុំព្រៃស្រឡិត ស្រុកពារាំង ខេត្តព្រៃវែង។

មុនពេលកើតហេតុ ក្មេងស្រីរងគ្រោះ រត់ឆ្លងកាត់ផ្លូវពីលិចទៅកើកយ៉ាងលឿនមិនទាន់ឆ្លងផុតត្រូវរថយន្តមិនស្គាល់ម៉ាកមួយគ្រឿង បើកពីជើងមកត្បូង បាន​ជ្រុលចង្កូតបុកក្មេងស្រីរងគ្រោះពេញទំហឹងស្លាប់នៅនឹងកន្លែងកើតហេតុ ក្រោយពីបុកក្មេងស្រីភ្លាម ម្ចាស់រថយន្ត បានបើករត់គេចចេញពីកន្លែងកើតហេតុបាត់។

ក្រោយកើកហេតុសមត្ថកិច្ចមកដល់ប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី។ បច្ចុប្បន្នសមត្ថកិច្ចកំពុងស្រាវជ្រាវ​តាមរករថ​យន្តបង្កយកមកដោះស្រាយទៅតាមនីតិវិធី៕

@Amapapa.News

Feature Ads