ព្រះសីហនុៈ ក្រុមហ៊ុនចិន គ្រោងមកវិនិយោគលើវិស័យឧស្សាហកម្មកែច្នៃកាកសំណល់រឹង នៅខេត្តព្រះសីហនុ ខណៈដែលក្នុងការវិនិយោគនៅខេត្តព្រះសីហនុ សក្តានុពល រួមជាមួយកត្តាពាក់ព័ន្ធនានាផងដែរ។
លោកស្រី Rose Zhang អគ្គនាយក JJT International Capital Corporation បានដឹកនាំគណៈប្រតិភូវិនិយោគមកពីទីក្រុងហុងកុង និងទីក្រុងសិនជិន ចូលជួបសម្តែងការគួរសមជាមួយ លោក យន្ត មីន អភិបាលនៃគណៈអភិបាលខេត្តព្រះសីហនុ ដើម្បីពិភាក្សាការងារនេះនិងស្នើសុំការគាំទ្រពីថ្នាក់ដឹកនាំខេត្តព្រះសីហនុ លើគម្រោងអភិវឌ្ឍន៏សូនឧស្សាហកម្មតាមបច្ចេកវិទ្យាទំនើបក្នុងការកែច្នៃកាកសំណល់រឹង ដើម្បីប្រើប្រាស់ឡើងវិញ មានទីតាំងនៅភូមិទទួលទទឹង ឃុំទទួលទទឹង ស្រុកព្រៃនប់ខេត្តព្រះសីហនុ។
លោកស្រី Rose Zhang បានឲ្យដឹងថាគោលបំណងគណៈប្រតិភូអញ្ជើញមកនាឱកាសនេះមានគោលបំណងចង់សិក្សាស្វែងយល់ពីការវិនិយោគជាពិសេសផ្តោតទៅលើវិស័យឧស្សាហកម្មកែច្នៃសំណល់រឹង រួមជាមួយនិងការសិក្សាស្វែងយល់អំពីច្បាប់ នយោបាយ សក្តានុពលក្នុងការវិនិយោគនៅខេត្តព្រះសីហនុ រួមជាមួយកត្តាពាក់ព័ន្ធនានាផងដែរ។
ជាការឆ្លើយតប លោក យន្ត មីន អភិបាលនៃគណៈអភិបាលខេត្តព្រះសីហនុ បានសម្តែងនូវការស្វាគមន៍យ៉ាងរីករាយ ព្រមទាំងបានថ្លែងឲ្យដឹងថា ខេត្តព្រះសីហនុទទួលស្វាគមន៍យ៉ាងកក់ក្តៅចំពោះការវិនិយោគទាំងអស់ ប៉ុន្តែត្រូវតែគោរពច្បាប់របស់ព្រះរាជាណាចក្រកម្ពុជា។
លោកបានបញ្ជាក់ថា ការគ្រោងមកវិនិយោគ លើវិស័យឧស្សាហកម្មកែច្នៃកែច្នៃកាកសំណល់រឹងនេះ គឺពិតជាល្អណាស់សម្រាប់កម្ពុជា ដែលអាចបបង្កើនប្រាក់ចំណូលជូនប្រជាពលរដ្ឋ តាមរយៈការងារជូនប្រជាពលរដ្ឋកម្ពុជា។
លោក ក៏បានបង្ហាញដល់គណៈប្រតិភូ អំពីសក្តានុពលរបស់ខេត្តព្រះសីហនុ ពិសេសវិស័យដឹកជញ្ជូនដែលខេត្តព្រះសីហនុយើងមានកំពង់ផែអន្តរជាតិទឹកជ្រៅដែលអាចអោយនាវាដឹកបានរហូត៥ម៉ឺនតោននិងកំពុងពង្រីកបន្ថែមទៀតដើម្បីអោយកាន់តែប្រសើរថែមទៀត៕