ប៉ុន្មានថ្ងៃចុងក្រោយមកនេះ គ្រប់គ្នាហាក់ភ្ញាក់ផ្អើលទាក់ទងនឹងរូបភាពលិខិតឆ្លងដែនខ្មែរមួយសន្លឹក ដែលត្រូវពន្យារយៈពេល និងមានអក្សរថា ទីក្រុងហូជីមិញ ធ្វើឲ្យអ្នកលេងហ្វេសប៊ុកមួយចំនួនមិនបានយល់ និងមានការយល់ច្រឡំថា ប្រទេសកម្ពុជាទៅជាទៅក្រុងហូជីមិញ ទៅវិញ តាមការលើកឡើងបំភ្លៃការពិត។
ហេតុផលពិតគឺ ខាងអគ្គកុងស៊ុលស្ថានទូតខ្មែរប្រចាំបរទេស គឺមានសិទ្ធិពន្យាលិខិតឆ្លងដែនជូនពលរដ្ឋខ្មែរបានទាំងអស់ ករណីដែលលិខិតឆ្លងដែនរបស់ពលរដ្ឋខ្មែរមានផុតកំណត់ការប្រើប្រាស់ ។
ទាក់ទងនឹងទីកន្លែងនៃការពន្យានេះ បើពន្យានៅប្រទេសវៀតណាម អគ្គកុងស៊ុលដាក់ថានៅក្រុងហូជីម៉ិញ បើពន្យានៅប្រទេសកូរ៉េខាងត្បូង អគ្គកុងស៊ុលដាក់ថា នៅសេអ៊ូល បើពន្យានៅប្រទេសជប៉ុនគេដាក់ថា នៅតូក្យូ ។ ល ។ ល ។
ដូច្នេះបងប្អូនដែលមានការយល់ច្រឡំមេត្តាជ្រាបជាព័ត៌មាន និងចំណេះដឹង មេត្តាជួយចែករំលែកបន្តផង។