ភ្នំពេញៈ ក្រសួងធនធានទឹក និងឧតុនិយម បានឲ្យដឹងថា អាជ្ញាធរខេត្តស្ទឹងត្រែង កំពុងបន្តជម្លៀសប្រជាពលរដ្ឋដែលរស់នៅតំបន់ទំនាបតាមដងទន្លេសេកុង ទៅកាន់ទីទួលសុវត្ថិភាព ខណៈទឹកទន្លេបានបន្តកើនឡើងមួយកម្រិតបន្ថែមទៀត ។
យោងតាមគេហទំព័រហ្វេសប៊ុករបស់ ក្រសួងធនធានទឹក នៅថ្ងៃទី២៥ ខែកក្កដា ឆ្នាំ២០១៨ បានបញ្ជាក់ថា គិតត្រឹមម៉ោង ៣:៣០ នាទីរសៀលថ្ងៃទី ២៥ កក្កដានេះ ទឹកទន្លេសេកុង បានកើនឡើងដល់កម្ពស់ ១១,៤២ ម៉ែត្រ ហើយ កម្រិតកម្ពស់ប្រកាសឲ្យប្រុងប្រយ័ត្ន ១១,៥០ ម៉ែត្រ៕
