ភ្នំពេញៈ នារីស្រស់ស្អាតម្នាក់ បន្ទាប់ពីបានលង់ចិត្តបង់ប្រាណរួមរស់នៅជាមួយបុរសម្នាក់ អស់រយៈពេល២ឆ្នាំ រហូតដល់ពេលនេះ នាងមានផ្ទៃពោះជាង១ខែ ខាងប្រុសចង់ដោះដៃ មិនទទួលខុសត្រូវ ទើបបណ្ដាលឲ្យភាគីទាំងសងខាងឈ្លោះប្រកែកយ៉ាងខ្លាំង រហូតឈានដល់ខាងប្រុសវាយនារីដែលមានផ្ទៃពោះ១ខែនោះ ផ្អើលពេញផ្លូវ កាលពីយប់ថ្ងៃទី១៥ ខែកក្កដា ឆ្នាំ២០១៨ ស្ថិតក្នុងបឹងកេងកងទី២ ខណ្ឌចំការមន រវាងគូសង្សារទាំងពីរនេះ ដោយខាងនារីជាសង្សារយើងសុំមិនបង្ហាញអត្តសញ្ញាណនោះទេ ចំណែកឯបុរសជាសង្សារ មិនត្រូវបានគេស្គាល់អត្តសញ្ញាណនោះទេ ។
តាមសេចក្តីរាយការណ៍បានឲ្យដឹងថា មូលហេតុដែលនាំឲ្យនាង និងគូស្នេហ៍ឈ្លោះគ្នានៅតាមដងផ្លូវនេះ ដោយសារតែបុរសជាសង្សារ ប្រើលិ្បចលួងលោម យកខ្លួនប្រាណនាង រួមរស់នៅជាមួយគ្នាដូចប្តីប្រពន្ធ រយៈពេល២ឆ្នាំ រហូតដល់ពេលនេះ នាងមានផ្ទៃពោះជាង១ខែ សង្សាររបស់នាងមានសង្សារថ្មី ចង់ដោះដៃចេញពីនាង ចេះតែគេចមុខពីនាង លុះដល់ពេលនាងតាមមកទាន់ និងជួបបុរសជាសង្សារ ហើយនាងទាមទារឲ្យបុរសរូបនោះទទួលខុសត្រូវ តែបុរសនោះមិនព្រម ទើបកើតជាជម្លោះពាក្យសម្តី រហូតដល់មានការប្រតាយប្រតប និងឈានដល់ភាគីខាងប្រុសវាយភាគីនារីជាសង្សារ បង្កឲ្យមានការភ្ញាក់ផ្អើលទាំងកណ្តាលយប់ ថ្ងៃទី១៥ ខែកក្កដា ឆ្នាំ២០១៨ ស្ថិតក្នុងបឹងកេងកងទី២ ខណ្ឌចំការមន ។
ក្រោយពីមានការអន្តរាគមន៍សម្របសម្រួលពីកម្លាំងសមត្ថកិច្ច បាននាំអ្នកទាំងពីរ មកដោះស្រាយគ្នានៅប៉ុស្តិ៍នគរបាលបឹងកេងកង២ យ៉ាងណាមិញជុំវិញករណីខាងលើនេះ ភ្នាក់ងារ CAM POTS មិនអាចសុំការបំភ្លឺបន្ថែមពីភាគីទាំងពីរបានទេ ចំពោះដំណោះស្រាយបែបណាក៏នៅមិនទាន់ដឹងនៅឡើយដែរ៕
