ស្វាយរៀងៈ ស្ត្រីវ័យជាង៤០ម្នាក់ ផឹកស្រវឹង ដើរបាត់ពីអស់រយៈពេល៣ថ្ងៃ ស្រាប់តែប្រជាពលរដ្ឋប្រទះឃើញសពអណ្តែតក្នុងទឹកស្រះទឹក បង្កឲ្យមានការភ្ញាក់ផ្អើលដល់សមត្ថកិច្ចចុះដើម្បីពិនិត្យមើល។
ហេតុការណ៍ប្រទះឃើញសពនេះ បានកើតឡើងកាលពីវេលាម៉ោង១២៖៣០នាទីថ្ងៃត្រង់ ថ្ងៃទី២១ ខែកក្កដា ឆ្នាំ២០១៨ នៅចំណុចភូមិបាត់ថង់ ឃុំគគីរសោម ស្រុកស្វាយទាប ខេត្តស្វាយរៀង។
យោងតាមសមត្ថកិច្ច បានឲ្យដឹងថា សពឈ្មោះ ស៊ំ កាណូយ ភេទស្រី អាយុ៤១ឆ្នាំ រស់នៅភូមិ បាត់ថង់ ឃុំគគីរសោម ស្រុកស្វាយទាប ខេត្តស្វាយរៀង បានផឹកស្រា ហើយដើរបាត់ពីផ្ទះអស់រយៈពេល៣ថ្ងៃ ចាប់តាំងពីថ្ងៃទី១៩ មិនដឹងទៅណានោះទេ។
សមត្ថកិច្ច បន្តទៀតថា បងប្អូនសាច់ញាតិខំដើររកតែរកមិនឃើញនោះទេ លុះមកដល់ថ្ងៃទី២១ ខែកក្កដានេះ ស្រាប់តែពលរដ្ឋប្រទះឃើញសពអណ្តែងក្នុងស្រះទឹកឡើងហើមទៅហើយសង្ស័យដើរធ្លាក់ទឹកស្រះលង់ស្លាប់។
បើតាមការធ្វើកោសលវិច័យរបស់គ្រូពេទ្យបង្អែកស្វាយទាប និងសមត្ថកិច្ចពិនិត្យទៅលើសាកសពពុំមានស្លាកស្នាមអ្វីទេ គឺអាចសន្និដ្ឋានថា ពិតជាលង់ទឹកស្លាប់ពិតមែន៕