Thursday, July 12, 2018

ចុងក្រោយ! ប៉ូលិស ប្រើរថយន្តស្លាកលេខនគរបាល ហែបក្សប្រជាជន ត្រូវពិន័យតាមវិន័យនគរបាលជាតិ

ពិសី

ភ្នំពេញៈ អគ្គស្នងការរងនគរបាលជាតិ និងជាអ្នកនាំពាក្យ លោក នាយឧត្តមសេនីយ៍ គៀត ច័ន្ទថារិទ្ធ បានថ្លែងថា អគ្គស្នងការនគរបាលជាតិ បានហៅម្ចាស់រថយន្តដែលពាក់ស្លាកលេខនគរបាល មកធ្វើការអប់រំ និងដាក់វិន័យរួចហើយ ក្រោយពីម្ចាស់រថយន្តរូបនេះ បានយករថយន្តដែលហាមឃាត់បិទស្លាកសញ្ញាគណបក្សប្រជាជនកម្ពុជានោះ ហើយការអនុវត្តនេះ បានធ្វើឡើងតែមួយថ្ងៃប៉ុណ្ណោះបន្ទាប់ពីបុគ្គលនេះ បានយករថយន្តស្លាក់លេខនគរបាលបិទស្លាកសញ្ញាគណបក្សប្រជាជនកម្ពុជា ទៅដង្ហែគណបក្ស ក៏មានការរិះគន់ជាច្រើនតាមប្រព័ន្ធផ្សព្វផ្សាយសង្គមនានានោះ ។

អ្នកនាំពាក្យ​គណៈកម្មាធិការ​ជាតិ ​រៀបចំ​ការបោះឆ្នោត លោក ហង្ស ពុទ្ធា បានបញ្ជាក់​​​ថា ចំពោះមធ្យោបាយធ្វើដំណើរដែលជាសម្បត្តិរបស់រដ្ឋ មិនអាចចូលរួមហែ​ក្បួន​ឃោសនាបោះឆ្នោតនោះទេ ដោយឡែក តែរថយន្តស្លាកលេខរដ្ឋសភា និង​រថយន្ត​ពាក់​ស្លាក​លេខ​ព្រឹទ្ធសភា គឺអាច​ចូលរួម​ហែ​ក្បួន​ឃោសនាបោះឆ្នោត​បាន។ លោកបានបញ្ជាក់​ដែរថា ចំពោះរថយន្ត​ពាក់​ស្លាក​លេខ​រដ្ឋសភា-ព្រឹទ្ធសភា អាច​យកទៅ​ហែ​ក្បួន​ឃោសនាបោះឆ្នោត​បាន ដែលមួយរយៈកន្លងមក មានប្រព័ន្ធ​ផ្សព្វផ្សាយ​មួយចំនួន ​មានការ​យល់ច្រឡំ​ថា រថយន្ត​ពាក់​ស្លាក​លេខ​រដ្ឋសភា-ព្រឹទ្ធសភា មិនអាច​យកទៅ​ហែ​ក្បួន​ឃោសនាបោះឆ្នោត​បាន ​។

យោងតាមច្បាប់ ស្តីពីការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៦ ត្រង់ប្រការ ៧.៤.១បានចែងថា ហាមប្រើប្រាស់ថវិកា សម្ភារៈ មធ្យោបាយដឹកជញ្ជូនដែលជាសម្បត្តិរបស់រដ្ឋ ដើម្បីធ្វើសកម្មភាពឃោសនាបោះឆ្នោតឲ្យគណបក្សនយោបាយណាមួយ ឬបេក្ខជនណាម្នាក់ និងហាមប្រើប្រាស់មធ្យោបាយដឹកជញ្ជូនដែលជាសម្បត្តិរបស់រដ្ឋ ដើម្បីដឹកជញ្ជូនអ្នកបោះឆ្នោតទៅកាន់ការិយាល័យបោះឆ្នោត។ ប្រការ ៧.៤.២ មធ្យោបាយដឹកជញ្ជូនដែលជាសម្បត្តិរដ្ឋ ត្រូវបានកំណត់ដូចជា រថយន្ត ទោចក្រយានយន្ត និងជលយានគ្រប់ប្រភេទ ដែលប្រើប្រាស់ស្លាកលលេខរាជការ ឬនិងរដ្ឋ នគរបាល ខេមរភូមិន្ទ និងរាជរដ្ឋាភិបាល៕

@Amapapa.News

Feature Ads