header ads

Sponsor

ពិសី

រតនគិរីៈ កម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត បាន​ចុះបង្រ្កាបការជួញដូរ និងប្រើប្រាស់គ្រឿងញៀន ហើយឃាត់ខ្លួនជនសង្ស័យប្រុសស្រី៣នាក់។

ប្រតិបត្តិការចុះបង្ក្រាបខាងលើនេះ ធ្វើឡើងនៅវេលាម៉ោង៩នឹង៣០នាទីព្រឹកថ្ងៃទី​១១ ខែកក្កដា ឆ្នាំ២០១៨ នៅចំណុចផ្ទះជួលមួយកន្លែង ស្ថិតនៅក្នុងភូមិភ្នំស្វាយ សង្កាត់អូរកន្សែង ក្រុងបានលុង។

សមត្ថកិច្ច បានឲ្យដឹងថា ជនសង្ស័យប្រុសស្រី៣នាក់ទាំង៣នាក់ ទី១.ឈ្មោះ មិន នី ភេទស្រី អាយុ២៥ឆ្នាំ ជនជាតិខ្មែរ ទី២.ឈ្មោះ ហេង សោវឌី ភេទប្រុស អាយុ៣៦ឆ្នាំ ជនជាតិខ្មែរ ព្រមទាំងដកហូតម្សៅក្រាមពណ៌សថ្លា សង្ស័យសារធាតុញៀនចំនួន១កញ្ចប់តូច ទម្ងន់០.៥២ក្រាម (ទាំងសំបកថង់)។ ក្រោយ​ពីឃាត់ខ្លួន បានធ្វើតេស្តទឹកនោមជនសង្ស័យទាំងពីរ លទ្ធផលមានសារធាតុគ្រឿងញៀនក្នុងខ្លួន​។

សមត្ថកិច្ច បន្តថា បន្ទាប់ពីសាកសួរជនសង្ស័យពីរនាក់រួចមក ក៏ឈានទៅដល់ឃាត់ខ្លួនជនសង្ស័យម្នាក់ទៀត ឈ្មោះ អែម សុភី ភេទប្រុស អាយុ៣០ឆ្នាំ ជនជាតិខ្មែរ ព្រមទាំងដកហូតម្យៅក្រាមពណ៌សថ្លាសង្ស័យសារធាតុញៀនចំនួន២ ថង់ធំល្មម ទម្ងន់ ៤.១២ ក្រាម (ទាំងសំបកថង់)។

បច្ចុប្បន្នជនសង្ស័យប្រុសស្រី៣នាក់ ត្រូវបាន​សមត្ថកិច្ចជំនាញឃុំខ្លួនបណ្តោះអាសន្ននៅការិយាល័យ ដើម្បីកសាងសំណុំរឿងចាត់វិធានការបន្តតាមនីតិវិធីច្បាប់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post