ថៃ៖ អតីតយោធាកងទ័ពជើងទឹកថៃ បានស្លាប់ក្នុងប្រតិបត្តិការ មុជទឹក ជួយសង្គ្រោះ ក្មេងៗ១២នាក់ និងគ្រូបង្វឹកម្នាក់នៅក្នុងល្អាងភ្នំ ថាំលួង (រូងស្តេច) នៅក្នុងខេត្ត ឈៀង រ៉ាយ ប្រទេសថៃ នៅវេលាម៉ោង ២ទៀបភ្លឺ ថ្ងៃសុក្រ ទី០៦ ខែកក្កដា ឆ្នាំ២០១៨ នៅពេលវិលមកមជ្ឈមណ្ឌល (ជំរុំ) វិញ ដែលស្ថិតនៅចម្ងាយ១,២ម៉ាយ ស្មើនឹង២គីឡូម៉ែត្រ ដោយសារតែ កង្វះខ្យល់អុកស៊ីហ្សែន ។
ជនរងគ្រោះខាងលើមានឈ្មោះ Samarn Kunan អាយុ ៣៨ឆ្នាំ មានកូនស្រីបីនាក់។
សូមជម្រាបជូនថា លោក Kunan គឺជាអ្នកនាំយកបំពង់អុកស៊ីហ្សែន ពីរូងទី៣ នៃរូងភ្នំខាងលើ ហើយលោកបានចាប់ផ្ដើម ជ្រមុជទឹក នៅវេលាម៉ោង ៨ និង ៣០ នាទីយប់ តែជាអកុសល នៅពេលដែលត្រលប់មកវិញ ខ្វះអុកស៊ីហ្សែន លោកក៏៍បានបាត់បង់ស្មារតី ហើយគ្រូពេទ្យ បានព្យាយាមជួយសង្គ្រោះដែរ ប៉ុន្តែមិនអាចជួយបានទាន់ពេល។
