ភ្នំពេញៈ នៅយប់ថ្ងៃទី១២ ខែកក្កដា ឆ្នាំ២០១៨ ស្អែកនេះ នឹងមានការចល័យកម្លាំងកងរាជអាវុធពីរាជធានីភ្នំពេញ ទៅកាន់ខេត្តស្វាយរៀង ដើម្បីចូលរួមក្នុងពិធីអបអរសាទរខួបអនុស្សាវរីយ៍លើកទី២៥ ទិវាកងរាជអាវុធហត្ថ។
យោងតាមសេចក្តីប្រកាសព័ត៌មានរបស់កងរាជអាវុធលើផ្ទៃប្រទេស ចុះថ្ងៃអង្គារ ១៣រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែកក្កដា ឆ្នាំ២០១៨ បានឲ្យដឹងថា “កងកម្លាំងអាវុធហត្ថ នឹងប្រារព្ធពិធីអបអរសាទរខួបអនុស្សាវរីយ៍ លើកទី២៥ ទិវាកងរាជអាវុធ ដែលប្រព្រឹត្តទៅនៅថ្ងៃទី១៤ ខែកក្កដា ឆ្នាំ២០១៨ ស្ថិតនៅភូមិថ្មី សង្កាត់សង្ឃ័រ ក្រុងស្វាយរៀង ខេត្តស្វាយរៀង ក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ។ កម្លាំងកងរាជអាវុធហត្ថ ដែលចូលរួមក្នុងពិធីនោះ មានចំនួន៨០០នាក់ ហើយទាំងអស់នេះ នឹងចល័តពីសាលាកងរាជអាវុធហត្ថកំបូល និងមជ្ឈមណ្ឌលហ្វឹកហ្វឺនភ្នំជុំរាយទៅកាន់ខេត្តស្វាយរៀង ដោយចេញដំណើរនៅយប់ថ្ងៃទី១២ ខែកក្កដា ឆ្នាំ២០១៨ នឹងត្រឡប់មកវិញនៅថ្ងៃទី១៤ ខែកក្កដា ឆ្នាំ២០១៨”៕
