Thursday, July 26, 2018

ចាប់ខ្លួនប្រធានស្នាក់ការអង្គការម្នាក់ ពីបទប្រើប្រាស់ឯសណ្ឋាន និងឯកសារក្លែងក្លាយ

ពិសី

ព្រះសីហនុៈ ប្រធានស្នាក់ការអង្គការម្នាក់ ត្រូវបាន​កម្លាំងមន្ទីរយុត្តិធម៌កងរាជអាវុធហត្ថ ខេត្តព្រះសីហនុ ឃាត់ខ្លួន កាលពីថ្ងៃទី២៥ ខែកក្កដា ឆ្នាំ២០១៨ នៅ​ភូមិគគីរ ឃុំបិតត្រាង ស្រុកព្រៃនប់ ខេត្តព្រះសីហនុ។

កម្លាំងកងរាជអាវុធហត្ថខេត្ត បានឲ្យ​ដឹងថា ឈ្មោះ ឈឹម សុផាត ភេទប្រុស អាយុ៥២ឆ្នាំ មុខរបរប្រធានស្នាក់ការអង្គការការពារធនធានធម្មជាតិ និងអភិរក្សជីវសាស្រ្តចម្រុះ​ប្រចាំខេត្តព្រះសីហនុ មានទីលំនៅភូមិចាប់ខ្លួន​។

កងរាជអាវុធហត្ថខេត្ត បានបន្តថា ការចាប់ខ្លួនជនសង្ស័យខាងលើនេះ គឺ​ជាប់ពាក់ព័ន្ធពី​បទប្រើប្រាស់ឯកសណ្ឋានជាអាទិ៍ ដែលមានភាពប្រហាក់ប្រហែលគ្នានឹងនគរបាល ឬយោធា ក្នុង(មាត្រា៦១៦) និងបទប្រើប្រាស់អត្តសញ្ញាណខុសពីអត្តសញ្ញាណផ្លូវការ ក្នុងកិច្ចសាធារណៈ(មាត្រា៦២១)និងបទប្រើប្រាស់ឯកសារសាធារណៈក្លែង(មាត្រា៦៣០)។

ក្រោយឃាត់ខ្លួន កម្លាំងអាវុធហត្ថដកហូតវត្ថុតាងរួមមាន ៖ រថយន្ត Lexus RX400h ១គ្រឿង ពណ៌ស ពាក់ស្លាកលេខសារព័ត៌មានស្មារតី៧មករា អមតៈ 2K-0667, ឯកសណ្ឋានក្លែងបន្លំ ១សម្រាប់, មួកក្លែងបន្លំចំនួន២, ស្លាកឈ្មោះឧត្តមសេនីយ៍១សន្លឹក, ប័ណ្ណព័ត៌មានចំនួន៦សន្លឹកនិងលិខិតតែងតាំងឯកឧត្តម ឈឹម សុផាត ចំនួន១សន្លឹក៕

@Amapapa.News

Feature Ads