Sunday, August 26, 2018

សប្បាយក្លាយជាទុក្ខ! នាំមិត្តភក្តិទៅលេងទឹកហូរ 7NG រអិលធ្លាក់ទឹកជ្រៅគួចទៅបាត់

អាម៉ាប៉ាប៉ាញ៉ូស

កណ្តាលៈ បុរសម្នាក់ និងមិត្តភក្តិជាច្រើននាក់ទៀត នាំគ្នាទៅលេងទឹកហូរកាត់ផ្លូវចំណុចពាមតាយួស ខាងលិចក្រុមហ៊ុន 7NG ខណៈពេលកំពុងលេងទឹកភ្លេចខ្លួន ស្រាប់តែបុរសម្នាក់បានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់ ភ្លាមនោះអ្នកដែលឃើញបានស្រែកឆោឡោឲ្យគេជួយដែរ តែដោយសារតែទឹកហូរខ្លាំងពេក ទើបមិនមានអ្នកណាហ៊ានចុះទៅជួយទេ​​ ខណៈដែលអារម្មណ៍ចង់ជួយ​ តែបានត្រឹមឈរមើល​ទាំងមិនអាចជួយបាន។

ករណី​លង់ទឹកស្លាប់​នេះ បានកើតឡើងកាលពីវេលាម៉ោង៣រៀសល​ថ្ងៃសៅរ៍ ១៤កើត ខែស្រាពណ៍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២៥ ខែសីហា​ ឆ្នាំ២០១៨ នៅចំណុចពាមតាយូស លើផ្លូវ7NG ស្ថិតក្នុងភូមិព្រែកលួង ឃុំព្រែកលួង ស្រុកខ្សាច់កណ្តាល ខេត្តកណ្តាល។

ជនរងគ្រោះឈ្មោះ ណន នី ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិសេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល(បាត់ខ្លួន)។ ប្រពន្ធឈ្មោះ ភឿន ស្រស់ អាយុ២៥ឆ្នាំ ជនជាតិខ្មែរ មុខរបរ កសិករ មានទីលំនៅភូមិឃុំជាមួយគ្នា។

ប្រភពពីសាក្សីឃើញហេតុការណ៍ផ្ទាល់បានប្រាប់ឲ្យភ្នាក់ងារ​ CAM POST ឲ្យដឹងថា​ មុនពេលកើតហេតុ​វេលា ជនរងគ្រោះ និងមិត្តភក្តិជាច្រើននាក់ទៀត បាននាំគ្នាទៅលេងទឹកដែលហូរកាត់ផ្លូវចំណុចពាមតាយួស ត្រង់ចំណុចខាងលិចក្រុមហ៊ុន 7NG ខណៈពេលកំពុងលេងទឹកភ្លេចខ្លួន ជនរងគ្រោះបានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់ ភ្លាមនោះដោយទឹកហូរខ្លាំង ទើបពុំមានអ្នកណាហ៊ានចុះទៅជួយទេ រហូតដល់វេលាម៉ោង០៩ព្រឹក​ ថ្ងៃទី២៦​ ខែសីហា​ ឆ្នាំ​២០១៨ នេះសមត្ថកិច្ច និងក្រុមគ្រួសារ កំពុងរាវរក តែមិនទាន់ឃើញទេ៕

សូមជូនពរឲ្យ​ឆាប់រកឃើញផង​ និងសូមធ្វើការប្រុងប្រយ័ត្នទាំងអស់គ្នា​ ព្រោះទឹកកំពុងឡើង​និងហូរខ្លាំង​ណាស់! បំណងល្អពី​CAM POST៖

@Amapapa.News

Feature Ads