Friday, August 10, 2018

កម្មទាន់ហន់! ខឹងម្ចាស់ផ្ទះឈប់ជួលបន្ទប់ឲ្យ ជនញៀនថ្នាំ ទិញសាំងចាក់ដុត ឆាបរលាកពេញខ្លួន

អាម៉ាប៉ាប៉ាញ៉ូស

ភ្នំពេញៈ យុវជនញៀនថ្នាំម្នាក់ បានរលាកភ្លើងពេញខ្លួន ក្រោយពីរូបគេបានទៅទិញសាំងចំនួនលីត្រ យកមកចាក់ដុតបន្ទប់ជួល តែគុណបុណ្យមិនជួយ ភ្លើងក៏ឆាបរលាកខ្លួនឯងតែម្ដង។

ករណីជនញៀនថ្នាំ ចាក់សាំងដុតន្ទប់ជួលខាងលើនេះ កើតឡើងកាលពីវេលាម៉ោង៨៖៣០នាទី​ព្រឹកថ្ងៃទី១០ ខែសីហា ឆ្នាំ២០១៨ ស្ថិតនៅក្នុងផ្ទះជួល​មួយកន្លែង ក្នុងភូមិទ្រា៤ ក្រុមទី៦ ក្នុងសង្កាត់ស្ទឹងមានជ័យទី៣ រាជធានីភ្នំពេញ។

តាមប្រភពពីប្រជាពលរដ្ឋ និ​ងម្ចាស់ផ្ទះបានប្រាប់ឲ្យ​ដឹងថា យុវជនខាងលើនេះ ជាមនុស្សប្រើប្រាស់ថ្នាំញៀន ហើយមុនពេលកើតហេតុម្ចាស់ផ្ទះ បាន​ឈប់ជួលបន្ទប់រូបគេរស់នៅព្រោះខ្លាចពាក់ព័ន្ធដល់រូបគាត់​ ធ្វើឲ្យជននេះខឹងរត់ទៅទិញសាំងចំនួន២លីត្រ យកមកចាក់​ដុតបន្ទប់ជួល តែកម្មឃើញទាន់ហន់ ស្រាប់តែភ្លើងឆាបរលាកពេញខ្លួន​។

ក្រោយកើ​តហេតុម្ចាស់ផ្ទះបានរាយការទៅសមត្ថកិច្ច ដើម្បីឲ្យ​អន្ដរាគមន៍ ហើយនាំយកជនញៀនថ្នាំខាងលើទៅប៉ុស្តិ៍សាកសួរបន្ថែម៕

@Amapapa.News

Feature Ads