Saturday, August 4, 2018

អាជ្ញាធរក្រុងព្រះសីហនុ ហៅជនជាតិចិន មកព្រមាន និងពិន័យ រឿងចាក់សំរាមបង្ហូរតាមទឹកភ្លៀង

ពិសី

ព្រះសីហនុៈ ក្រោយពីមានការរិះគន់យ៉ាងខ្លាំងតាមបណ្តាញសង្គម រឿង​បុរសជនជាតិចិនម្នាក់ដែលបាន​ចាក់បង្ហូរសំរាមឲ្យ​ហូរតាមទឹកភ្លៀង កាលពីម្សិលមិញ នៅម្តុំសណ្ឋាគារ New Golden Wealth សង្កាត់លេខ៤ ក្រុងព្រះសីហនុ ផ្លូវទៅសាលា UME ត្រូវបានអជ្ញាធរកោះហៅចូលខ្លួនទៅកាន់សាលាក្រុងព្រះសីហនុ កាលពី​ថ្ងៃទី៣ សីហា ២០១៨ ដើម្បីផាកពិន័យជាប្រាក់តាមច្បាប់ និងបានឲ្យ​ធ្វើកិច្ចសន្យាជាលាយល័ក្ខអក្សរទាំងភាសារខ្មែរ និងភាសាចិន ហើយ​សុំទោសជាសាធារណៈ ដោយបញ្ឈប់មិនឲ្យ​មានករណីនេះលើកក្រោយទៀតឡើយ។

គួរបញ្ជាក់ថា កាលពីថ្ងៃទី២ សីហា ២០១៨ ជនជាតិចិនរូបនេះ បានកាយសំរាមបង្ហូរតាមទឹកភ្លៀងនៅម្តុំសណ្ឋាគារ New Golden Wealth សង្កាត់លេខ៤ក្រុងព្រះសីហនុ ផ្លូវទៅសាលាUME ហើយត្រូវបានទទួលការរិះគន់ពីមជ្ឈដ្ឋាននានា ក្នុងខេត្តព្រះសីហនុ៕

@Amapapa.News

Feature Ads