ភ្នំពេញ ៖ ទាក់ទងនឹងដំណើររឿងស្ត្រីជនជាតិចិន ដែលបើករថយន្តបំបុកចោរឆក់ទូរស័ព្ទ បណ្តាលឱ្យស្លាប់ម្នាក់ និងរបួសធ្ងន់ម្នាក់ ត្រូវបាននគរបាលខណ្ឌចំការមន នៅតែជាប្រធានបទក្ដៅ ក្នុងការជជែកវែកញែក ពីអ្នកលេងនៅលើបណ្ដាញសង្គមហ្វេសប៊ុក នៅឡើយខណៈម្សិលមិញ ថ្ងៃទី១៥ ខែសីហា ឆ្នាំ២០១៨ សម្រេចបញ្ជូនឡើងតុលាការហើយ ដោយនគរបាលព្រហ្មទ័ណ្ឌខណ្ឌចំការមន បានសរសេរបាយការណ៍សន្និដ្ឋានថា ស្ត្រីជនជាតិចិន រូបនេះ ប្រឈមបទល្មើសមនុស្សឃាតដោយអចេតនា ។
ជាមួយគ្នានេះដែរ លោក បណ្ឌិត សុខ ទូច ប្រធានរាជបណ្ឌិតសភា បានលើកឡើងថា ៖ វាគួរតែនាំប៉ូលិស ឬអាជ្ញាធរ ដែលពាក់ព័ន្ធទៅតុលាការដែរ ព្រោះគ្មានសមត្ថភាពរក្សាសន្តិសុខជូនដល់ប្រជាជនស្លូតត្រង់។ បើខ្ញុំក៏ធ្វើបែបនេះដែរ ព្រោះអ្នកជិះម៉ូតូគ្រោះថ្នាក់ចំពោះក្រុមនេះច្រើនណាស់។ គួរត្រូវផ្ដល់មេដាយដល់ស្ត្រីនេះ បើសិនរឿងនេះជាការពិត។ យើងដឹងថា ធ្វើបែបនេះជាទោសឧក្រិដ្ឋ តែក្រុមនេះសាហាវណាស់។ គួរតែបង្កើតច្បាប់ដោយឡែកទៅលើជនបែបនេះ។
ក្រោយពីមានការលើកឡើងបែបនេះ យើងសង្កេតហាក់មានការគាំទ្រ ច្រើនពីអ្នកលេងហ្វេសប៊ុក។
