ខេត្តស្វាយរៀង៖ នៅថ្ងៃទី២៣ ខែ សីហា ឆ្នាំ ២០១៨ ដូចអ្វីដែលបានគ្រោងទុកតាមតារាងកម្មវិធីជំនុំជំរៈ របស់តុលាការសាលាតំបូងខេត្តស្វាយរៀង ក្នុងរឿងក្តីតាក់សុីបាវិត២នាក់ រំលោភសម្លាប់នារីបុគ្គលិកកាសុីណូជាភ្ញៀវ កាលពីជាង១ឆ្នាំមុននោះ គេសង្កេតឃេីញនៅ ក្រៅរបងតុលាការមានអ្នកសារព័័ត៌មាននិ ប្រជាពលរដ្ឋជាច្រេីនកំពុងតែឃ្លាំមេីលទិដ្ឋភាពនេះ តែដោយខ្លាចមានបាតុភាពអីកេីតឡេីង សមត្ថកិច្ចក៏រៀបចំសណ្តាប់ធ្នាប់ ក្នុងការការពារកុំអោយកេីតមានរឿងរ៉ាវជាយថាហេតុណាមួយ។ នៅក្រៅបន្ទប់សវនការ មានគ្រួសារជនរងគ្រោះ និង ជនល្មេីសមួយចំនួន ដែលសល់ពីក្នុងសាលជំនុំជំរៈ កំពុងរងចាំស្តាប់លទ្ធផលយ៉ាងអន្ទះសារ។
ក្រោយបើកការជំនុំជម្រះអស់រយៈពេលពេញមួយថ្ងៃលទ្ធផលចុងក្រោយជនជាប់ចោទទាំងពីរត្រូវបានសាលាដំបូងខេត្តស្វាយរៀងកាត់ទោសឱ្យជាប់គុកមួយជីវិតដូចគ្នា។
លោក គង់ ច័ន្ទខេមរិទ្ធ ព្រះរាជអាជ្ញាអមសាលាដំបូងខេត្តស្វាយរៀងបានមានប្រសាសន៍ឱ្យដឹងថា:ជនត្រូវចោទទាំងពីរនាក់នេះត្រូវៈ
- ទី១ មានទោសមួយជីវិតដូចគ្នា
- ទី២ ត្រូវសងរដ្ឋប្បវេណីជម្ងឺចិត្តដល់គ្រួសារជនរងគ្រោះចំនួន៦មឺុនដុល្លារ
- ទី៣ ត្រូវរឹបអូសយករថយន្តដែលបង្កបទល្មើសដាក់ជាសម្បត្តិរដ្ឋ ដោយបើកសិទ្ធឱ្យប្តឹង ឧទ្ធរណ៍។
សូមរំលឹកឡើងវិញផងដែរថាៈ ដោយមានការបញ្ជាផ្ទាល់ ពីលោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង និងដឹកនាំបញ្ជាដោយលោកឧត្តមសេនីយ៍ ស្នងការរងទទួលផែនព្រហ្មទ័ណ្ឌ កម្លាំងការិយាល័យ ព្រហ្មទណ្ឌកម្រិតធ្ងន់-ស្រាលខេត្ត ការិយាល័យបច្ចេកទេស វិទ្យាសាស្ត្រ ការិយាល័យប្រឆាំងការជួញដូរ ការិយាល័យចរាចរណ៍ ការិយាល័យតម្រួតបទបញ្ជា និងអន្តរាគមន៍ និងកម្លាំងអធិការដ្ឋានក្រុងបាវិត សហការជាមួយកម្លាំងនាយកដ្ឋានព្រហ្មទ័ណ្ឌ បានធ្វើការស្រាវជ្រាវឈានដល់ឃាត់ ខ្លួនជនសង្ស័យ ២ នាក់ ប្រុស ឈ្មោះឆឺយ សុជាតិ អាយុ៣៦ឆ្នាំ(រស់នៅភូមិ ព្រៃតាញ៉យ ឃុំខ្សែត្រ ស្រុក កំពង់រោទិ៍ ខេត្ត ស្វាយរៀង) ដកហូតរថយន្ត ១ គ្រឿង ម៉ាក Highlander វត្ថុតាងខ្សែក ១ ខ្សែ ចិញ្ចៀន ១ វង់ និងបក្សពួកម្នាក់ទៀត ឈ្មោះផ្លេក សូនី ភេទប្រុស អាយុ ៣២ឆ្នាំ ជនសង្ស័យទាំងពីរនាក់មុខរបរបបើកបររថយន្តតាក់ស៊ី ដែលបានរំលោភសំលាប់ ជនរងគ្រោះឈ្មោះ សុវណ្ណ សុម៉ាលីន ភេទស្រី អាយុ ១៨ ឆ្នាំ ស្រុកកំណើតខេត្តត្បូងឃ្មុំ កាលពីថ្ងៃទី០២.០៨.២០១៧ និងបានបោះសពចោលក្នុងទឹកកែងស្រែ ក្នុងភូមិ តាពៅ សង្កាត់ បាវិត ក្រុងបាវិត ខេត្ត។
